گؤزلریمه
احمددرگاهی‎

ساتاشدیق گؤز- گؤزه اؤزل بیر گونده
شوه‌سی زیللندی زیل گؤزلریمه.
آتینی اویناتدی کؤکسومده بیرآن
دیل اولدو دانیشدی، دیل گؤزلریمه.

ایلکینده آوونو اووسونا سالدی
اوره‌ک آل ائیله‌دی گؤز گؤزو چالدی
عؤمورلوک گؤزلریم گؤزونده قالدی
سیتقادیم بیر چارا قیل گؤزلریمه!

من کی باغلانمادیم نه مالا- مولکه
یئنه قارشیلاشدیق دئییرم بلکه!
اونسوز دولانسامدا اؤلکه به اؤلکه
قاداغا قویموشام بیل، گؤزلریمه.

اوتوز بیر سنه دیر گل – گل دئییرم
بیر پارا چؤره‌یی غم‌له یئییرم
آرتیق اونا سئوگی دولو شعیرم
آیریلیغی چکیر میل گؤزلریمه.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ایشیق درگیسی، سایی 1
ایشیق درگیسی، سایی 2
ایشیق درگیسی، سایی 3
ایشیق درگیسی، سایی 4