بوراسی…
رسول ایرانی «آرانلی»

بوراسی، بايقوش‌لار يوواسی!
اؤلوم سیمفونياسی‌لا اوينايان قوزغون‌لار،
ایچ هارايیندا بوغولان بولبول‌لر،
يارالي دورنالارا يئريكله‌ين –
قورشون‌لار.

بوراسی جان‌سيخيجي شه‌هر!
پاخيل-پاخيل پيلله‌لنميش بينالار،
گؤزياشی آل-وئرچی‌لري،
و قاش-قاباغلی توكان‌لار.

آغلايير…
دامار-دامار كوچه‌لر،
آغلايير…
سئوگي ديلنچي‌لری
كؤزه‌رير…،
گنج اوغلانين سيگارئتينده شه‌هر.
يوخلاييب ياناقلاردا
اننيك… ، كيرشان
توولانير باشيما شه‌هر!

ائهئي گؤزياشي آل‌-وئرچی‌لری…!
«بازار اولسون، بازار.»

پاسخی بگذارید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ایشیق درگیسی، سایی 1
ایشیق درگیسی، سایی 2
ایشیق درگیسی، سایی 3
ایشیق درگیسی، سایی 4