آبسورد… ۵۵ / کامیل قهرمان‌اوغلو
#مریم میرزاخانی‌نین گویسل روحونا

یوخو گؤرور بو شه‌هر
بو شه‌هر یوخودا
یوخودا بو شه‌هر
شه‌هر
شه‌هر
یوخودا بو شه‌هر
یوخلاییب
یوخو گؤرور بو شه‌هر
شه‌هر
یوخو
ی
و
خ
و
گؤرور بو شه‌هر
آتلیلاردی گلیر داغلار
سیرغاسیز قایالیقلاردی گلیر آتلیلار
دؤردمینه اؤلومسوله‌نن قرنفیللردی شاهادلار
لاری آتلیلاردی گلیر
لار بئچه‌لردی آتلیلار
گرنه‌شیر یوللار
سودونه یاخیلیب قالیب بو شه‌هر
آختالانمیش یئللر جانینی یئیییر بو شه‌هرین
قاداسین آلیر چؤروک دیشلرینه
هه … قابار آخیملی قاباریقلار منم ایندی
هه قوزولوق دایچالیقلار
چالیق چایالیقلار چیلیقی منم بو شه‌هرده
بیزیک بو شه‌هر
یوخو گؤرور بو شه‌هر بیزی
صنم یارالی منم‌لرله
باشینا قالیب تابیتسیز دوداقلار
یوخوسوز سیتال ناغیلجیقلاریم

رادیکال شؤونلریم
مورال سیسلی کربلا
آجیناجاقلی کوفه
باشی یاستیق‌سیز تبریز
یوللاری دالینا گؤتوروب بو شه‌هر
گلیر یوخولوقلارینی
یوخوسونو سریب “صنم” ساچالجیقلارینا
صنم،
مجنون قریب یاراسی
یاراسی قریب‌صنم
قریب ناظیمین دوستاقجیل پوئماسی
کؤپکسل کامیلین شعیری
ایگید میصراعجیقلار
ستلجم وداعجیقلار
جیقلاری جوجوق سؤزجیکلر
جاقلاری قاری اؤپوجوکلر
بو منم بیر بو شه‌هر
بیر بو یوخوسوز یوخولوقلاررر
بو شه‌هرده
منی قاشیقا قویدولار
باشلادیلار روحومدان
سویدولار گؤزلریمدن
اؤپوش آلدیلار عصبیمدن
بونا سرحدلر شاهادیمدی
و قوتارماییبلار هلهههه
من سونولمازام
شاپالاقلار یورقونویام
#تاتارلار گول آچیب دانیشیر منی
#من دار آغاجلارین اللاهو اکبرییم
شاعیرلر پیغمبری
بو شه‌هرده شاپالاقلار آذانییام
نامازلار ایت اولور منده
انتحارلاشیر سجده‌لر
شهیدلشیر قونوتلار
و بودارلانیر صلوات
من بئله اولایلار شاعیرییم
بئله اولایلارین لالایلار قافیه‌جییی
لا اله إللاهجیقی
لیلاجیقی
جیی‌جیی جیییه‌سییم اؤلوم عمی‌مین
مزار داییمین
داش خالامین اصلیسی‌یم
و باجیمین کرمیسی‌یم
یوخو گؤرورم شه‌هری
سووخا بیچیرم اینیمه
آغاج ایچیرم کندیمه
بئله یوخولویام سنه ای شهید شه‌هر
ای ایگید شه‌هر
دا یوخو گؤرمه‌رم سنی
اویاقلیقا یاتیرام سنی
تشککورلر کوسولو خیاوانیندان
آللاهسیز کوچه‌لریندن و …