ansar
موغان قیزلاری
انصار قره‌داعی

قارا مئیدانا چک عؤمرو قره‌داغ دوزلری‌دیر
قهرمان قیزلاریمیز غملی موغان قیزلاری‌دیر

خان چوپاندان انعام آلمیش‌لار او تویدان بو تویا
گؤز ووروب‌لار گونشه، قاش‌لار آتیبلار، باخ، آیا
گلینه آلما آتیب بی‌لر او تایدان بو تایا
آت چاپیردان سارا قیزلار او چوپان قیزلاری‌دیر
قهرمان قیزلاریمیز غملی موغان قیزلاری‌دیر

شعر دئمزلر، مگر او سئوگیلی لیلایا گؤره
یوسیفی بنده ووروب‌لار او زلیخایا گؤره
سارا تک جان سئله وورموش‌لار او دریایا گؤره
بو گؤزللر وطنین سورمه‌لنن گؤزلری‌دیر
قهرمان قیزلاریمیز غملی موغان قیزلاری‌دیر

چوره‌یی اوددان آلارلار، دوزو نوردان-قارادان
چیخامییبدیر بو موغاندا سئلین عؤمرو قارادان
بیرجه توی آیناسیدا قالمامیش ائل‌لر سارادان!
ساچ‌لاری سئودالی یوردون آلیشان سازلاری‌دیر
قهرمان قیزلاریمیز غملی موغان قیزلاری‌دیر

هانسی دوزده هَجری ترکینه قالدیردی بوز آت!؟
بیرجه، دووران‌لار آتی‌یلا، نبی سالدیردی بوز آت
ظولموکار خان‌لار آتیندان قیصاص آلدیردی بوز آت
بو آران قیزلاری قارلی ساوالان قیزلاری‌دیر
قهرمان قیزلاریمیز غملی موغان قیزلاری‌دیر

ساز یامان سسله‌نه‌جک چالسا موغان‌لار باجیسی
بایاتی دادلی اولار قوشسا چوبان‌لار باجیسی
توی ائده‌ر قارداشینا داغدا آران‌لار باجیسی
قیز ـ گلین سانکی فلک فرّخو اولدوزلاری‌دیر
قهرمان قیزلاریمیز غملی موغان قیزلاری دیزلار
باهار ۱۳۹۲

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ایشیق درگیسی، سایی 1
ایشیق درگیسی، سایی 2
ایشیق درگیسی، سایی 3
ایشیق درگیسی، سایی 4