ansar qaradagli
لئیلامیز اولوب
انصار قره‌داغلی

او بیزیم سئیری سفرنامه‌ده لئیلامیز اولوب
عشق دریالاری طغیان قیلا، صحرامیز اولوب
اوُل زلیخایی دَمی درسیمیزین یوسیفی‌دیر
جمعی زندانیسین آزاد ائده، امضامیز اولوب !…
گونشی تار ائده ن ، آنجاق ، قارا گیسولاریدیر
خُرداد آی مُهریلنَن مِهر آیی ، رویامیز اولوب !…
گئجه‌سین سورمه قیلیب ارسه ده آی گؤزلرینه
دریانین شوری تماشاسی مصلامیز اولوب
ای قلم منده غزل یازمادا صادیق دئییلم
خطی ـ خالی ایکی گوندور کی ،بیل ، املامیز اولوب
بئله جانانا نه خاقان کی جان احسان ائده جک
چینینین جوهری هر نقشه ده مینامیز اولوب
اصلی سازلارلا یاخیر جانی یانیق بیر کَرمی
له‌لهکن خسته کَرم سئحرکار اوستامیز اولوب
دونموشوق عؤمر آیاغیندا ؛ قیشیمیز گؤز یاشیمیز …
قوجا روحی چینارین سروی دل آرامیز اولوب
بیز کلیسا نورو نذر ائتمه میشیک کعبه لره
ای بوتیماری غم ، « انصاری » مسیحامیز اولوب .

۱۳۹۳/۱۲/۱۳

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ایشیق درگیسی، سایی 1
ایشیق درگیسی، سایی 2
ایشیق درگیسی، سایی 3
ایشیق درگیسی، سایی 4