چئویرن: ایشیق
ترجمه: ایشیق
ایشیق

nahani_2
سنسیزلیک‌لر(۱۳)
مجتبی نهانی

(۱)
یاغیش،
باشیمدان تؤکور-
سسینده کی سئوگینی
گئجه‌نی چتیرسیز کئچیریرم-
ماهنی لارینین باغریندا،
اویانماق دیله‌ییله.

(۲)
دووار دالیسی
اوره‌ییمین آراسی
آخ دئمه‌یین سونراسی‌دیر-
گئتمه‌یین.
وور قاپینی
گیر ایچری
قوجاقلا منسیزلییی.

(۳)

اونوتماق‌می
گؤره-گؤره یاشاماق‌می
یئری گله‌جکمیش کیمی
یوخ اولماق‌می
دئمه‌دیم
دئیه بیلمه‌دیم
نوقطه‌سیز قالدیم
سن
سن
سن
سیز
قال
دیم.

(۴)
قان قوسماقدان اؤته‌دیر
بیر قورشون یئریندن-
باش قالدیرماق
هله‌لردن کئچدیم
ایندی‌یه گلدیم
باخیشینا دولانان-
اوچورتمانین ایپی.

(۵)
آغلاماقلا کئچه بیلمیر
گئجه یاریسی
سنسیزلیک باش آغریسی
صبیر نه یه لازیم
بوغولورام-
قورو-قوراقلیق گؤزلرینده.

(۶)
گؤزومدن یاش گله بیلر
گئجه‌دن اوتانمیرام
سنسیزلیک اوتانسین.

(۷)
یاغیش سسی ایله
ایسلانیرام
چوخداندیر
اللرینین توخونماسینی
گؤزله‌ییرم-
دئییه سن منه:
عزیزیم اویان
یئتیشدیک
بوراسی یولون سونو، سونودور.

(۸)
سنه دوشدوم
باش آشاغی
قورتاراجاغیم اولسا-
اؤپ منی.

چاپ

یک پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

سنسیزلیک‌لر(۱۳) / مجتبی نهانی

ایشیق
www.ishiq.net

آذربایجان ادبیات و اینجه‌صنعت سایتی

سنسیزلیک‌لر(۱۳) / مجتبی نهانی

ایشیق
www.ishiq.net

آذربایجان ادبیات و اینجه‌صنعت سایتی

سنسیزلیک‌لر(۱۳) / مجتبی نهانی

ایشیق
www.ishiq.net

آذربایجان ادبیات و اینجه‌صنعت سایتی