چئویرن: نیگار خیاوی
ترجمه: نیگار خیاوی
نیگار خیاوی

یاشاسین کرونا!
نیگار خیاوی

چوخداندی بیر-بیریمیزدن قورخماغا باشلامیشیق، آرامیزدا یاییلمیش اولان بو قورخو یازییا آلینمامیش بیر متنه چئوریلرک آرامیزدا شیشمه‌یه باشلادی یاواش-یاواش. اؤز آرامیزدی کرونا گلیب بو چیرکین متنین اوستونه چکدییمیز اؤرتویو گؤتوردو و، هه! ایندی اوزه قالمادان، اوتانمادان بیر-بیرینیزدن آیریلین! دئدی. آداملار بیر-بیرینین گؤیلوندن چوخدان کؤچوب گئتمیشدیلر، قالمیشدی گؤزدن گئتمه‌لری، اونو دا کرونا گلیب چؤزدی.
گیزلی-گیزلی، ان ایچده بئجردییمیز ویروسلاری بیر-بیریمیزین اوزونه-گؤزونه اؤکسوردوک هر گون. سونرا اوستونه گولوشدن بیر اؤرتوک چکدیک. چوخداندیر هم اؤزوموز هم ده بیر-بیریمیزدن اوزاق قالمیشلارین ان چیرکینینه دؤنوشموشوک، اؤزو ده فرقینده اولارکن. آنجاق اوزه چیخارما جسارتیمیز اولمادی.
اؤنجه انسانین آرخاداش، قارداش، سئوگیلی، بیر-بیرینه عدالتلی، مهربان اولماسی قرارا آلینمیشدی، آنجاق اولامادیق، داها دوغروسو اولمادیق. بو ویروس ان باشدا اولان رهبرلردن توتدو تا توپلومون ان کیچیک عضوی اولان عایله‌یه قدر داراشمیش هامیمیزا. دنیا رهبرلری عدالتی تپیکله‌دیلر سونرا دا اوزلرینه عدالت ماسکاسی تاخدیلار. تپیکلمه ویروسو بیز آدام سورولرینه ده داراشدی. بیر-بیریمیزین حاققیندا اولمازین انسانلیق دیشی حرکتلری روا قیلا-قیلا مهربانلیق ماسکاسی تاخدیق، سانکی جانلیلار سینماسیندا ایکی‌اوزلولوک، مین اوزلولوک رولو آداملارا تاپشیریلمیشدی، هر بیریمیز بو رولو ان اوستا آکتیور کیمی جانلاندیرماقدا جاندان باشدان کئچدیک.
آداملار آراسیندا داریخیرام
بیلمیرم احساسلار نه بیچیمده‌دیر
ماسکالار دونیاسیندا کاریخیرام
بلکه ده چاشقینلیق اؤز ایچیمده‌دیر…

چاپ

یک پاسخ

  1. Hörmətli şairə Nigar Xiyavi xanımın qələmə aldığı bu yazı, Cronavirus bəhanə olaraq, danılmaz bir faktıdlr.
    … Yaşadırımız bu gözəl dünyada ikiüzlülük, yalançılıq, bir- birə boz-boz baxmalar və s… İnsanlığı və insanlıq şənini kölgəyə buraxmışdır! İş burada bitmir, hələ dünyamızda insanlar üzərində inanılmaz bir faciyələr ilə toşlaşırıq…
    Ancaq cronavirus, xurafatin qaranlıq üzünü açdı… Hərkəsə sevib, sevilmək dərsini öyrətdi və s…
    Bir daha hörmətli nigar xanıma və işiq saytında çalışan sevgili dostlara dərin təşəkkürümüzü bildiririk!
    Yaçasın

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

یاشاسین کرونا! / نیگار خیاوی

نیگار خیاوی
www.ishiq.net

آذربایجان ادبیات و اینجه‌صنعت سایتی

یاشاسین کرونا! / نیگار خیاوی

نیگار خیاوی
www.ishiq.net

آذربایجان ادبیات و اینجه‌صنعت سایتی

یاشاسین کرونا! / نیگار خیاوی

نیگار خیاوی
www.ishiq.net

آذربایجان ادبیات و اینجه‌صنعت سایتی