چئویرن: کبری میرحسینی
ترجمه: کبری میرحسینی
کبری میرحسینی

دیکلمه صنعتی‌؛ بیرینجی حصه: دیکلمه صنعتی‌نین‌ ضرورت‌لری
کبری میرحسینی

سون ایل‌لرده سانال دونیانین رؤونق تاپماسی ایله، ادبیاتلا ماراقلانان اکثر شخصلر طرفیند‌ن، شعر و یا نثر سس‌لندیریب، بو گؤزل حیسی باشقالاری ایله پایلاشماق، عادی حال آلیب و بو ایشه ماراق، گئت به گئت آرتماقدادیر.
بوگونلرده ده، همین سانال دونیادا، دیکلمه ساحه‌سینده چوخلو سؤز-صحبت و دارتیشمایا شاهیدیک و بو دا سئویندیریجی حالدیر. چونکو بو صنعتله ماراقلانان‌لار سایی‌نین چوخالماسی ایله عئینی زاماندا، تنقید ائدیب بو صنعتین گلیشمه‌سینه کمک ائتمه‌یه چالیشانلار دا اولور. آنجاق تاسفله، بیریسی بو ساحه‌ده نظر وئردیکده، اونا ایراد توتولور کی، هر کسین بو ساحه‌ده نظر وئرمه‌یه قابلیتی یوخ. حالبوکی سس و موسیقی، بونونلا باغلی بوتون تخصصلره باخمایاراق، ایلک باشدا قولاق و دینله‌یجی‌نین واسیطه‌سیله اینجه‌لنمه‌لیدیر. میثال اوچون بیر موسیقی ایفا اولوندوقدا، اونا قولاق آسان بیر شخصین آرتیق بیلگیسی اولماسادا، ایفاچی‌نین خاریج اوخودوغونو راحاتلیقلا تشخیص وئره‌جک.
دیکلمه‌‌یه گلدیکده ایسه، موسیقی مهارتلری‌نین هامیسی لازیم اولماسادا، بعضی فاکتلارین اولماسی ضروری‌دیر.
دیکلمه صنعتینه ماراقلانان و بونو پئشه‌کارجاسینا داوام ائتدیرمک ایسته‌ین شخص:
۱.دوزگون و ساغلام سسه مالیک اولمالی؛
۲. شفاف و دورو دانیشماغی باجارمالی؛
۳.کلمه‌لرین حاقینی اؤده‌‌مه‌لی؛
۴.سسی قولاق اینجیدن اولمامالی‌دی.
آشاغیدا قولاغی اینجیدن سس‌لردن اؤرنک گتیریریک:
 ریتمسیزسس‌لر
ریتمی اولمایان و یوروجو بیرسسی دینله‌یینلر،دینله‌مه‌یه داوام وئرسه‌لر،نئچه دقیقه سونرا اونلاری یوخو باساجاق.
 زنگلی سس‌لر
بو سسی دینله‌مک، بیریسی الین زنگ اوستونه قویوب چالان کیمی بیر سسی دینله‌مه‌یه بنزر؛ بو سس،دینله‌ییجی‌‌یه باش آغری گتیره‌ر.
 بورنوندا دانیشانلار
بورنوندا دانیشان بیر شخصین سسینی دینله‌مه‌یین اصلا جذبه‌سی یوخدور‌. دینله‌یجی‌نین قولاغی بو سسله راحات دئییل.
سسلرینده بو قابلیتلرین اولمادیغی شخصلره دیکلمه صنعتینه گیریشمک تؤوصیه اولونماییر.
بو قابلیت‌لره مالیک اولمادیغینی بیله-بیله بو ایشه قول قویان شخصلر، بوتون دینله‌یجی‌لر طرفیندن تنقید اولونا بیلرلر؛ چونکو بو صنعتین ایلک ضرورتی دینله‌یجی‌نین سئومه‌سی و اوندان ذؤوق آلماسی‌دیر.
ایندی،بعضی دوستلارا بو سورغو یارانا بیلر کی، نه‌دن دیل و ادبیات (شعر و نثر )ایله تانیش‌لیق و یا باشقا مهارتلر، ایلک ضرورت‌لردن حسابلانماییر؟ جاوابدا دئمه‌لییک: هر بیر شخصین، بیلگی قازانیب، چالیشماسی ایله بو مهارتلری کسب ائتمه‌سی مومکوندور؛ آنجاق بیزیم اوسته اشاره ائتدییمیز فاکتلارین اکثریتی بیلگیسیز مؤوجود اولان قابلیتلردیر.
آردی وار…

چاپ

یک پاسخ

  1. نئدئن سه بیر گؤزل مطلب و همده بیر اؤیرئنملی کیفیت لی آثار و یازی آختاریب اوخوماق چوخ راحا اولمور ؛ دائم گؤزوموز یولدا .
    بو یازیدان چوخلو فایدالندیک زحمت لریزدن نهایت تشکر لر

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

دیکلمه صنعتی‌؛ بیرینجی حصه:دیکلمه صنعتی‌نین‌ ضرورت‌لری/ کبری میرحسینی

کبری میرحسینی
www.ishiq.net

آذربایجان ادبیات و اینجه‌صنعت سایتی

دیکلمه صنعتی‌؛ بیرینجی حصه:دیکلمه صنعتی‌نین‌ ضرورت‌لری/ کبری میرحسینی

کبری میرحسینی
www.ishiq.net

آذربایجان ادبیات و اینجه‌صنعت سایتی

دیکلمه صنعتی‌؛ بیرینجی حصه:دیکلمه صنعتی‌نین‌ ضرورت‌لری/ کبری میرحسینی

کبری میرحسینی
www.ishiq.net

آذربایجان ادبیات و اینجه‌صنعت سایتی