چئویرن: ایشیق
ترجمه: ایشیق
ایشیق

ایکی کیتابا بیر باخیش
بهروز ایمانی

کیتابین آدی :اصلی ایله کرم – ‹آیری بیر روایتده›
حاضیرلایانی: حسن فرخی قراملکی
رئداکتور: بهروز ایمانی
ناشر: نشر اختر_تبریز
چاپ نوبه سی: اوچونجو
چاپ ایلی: ۱۳۹۴

کیتابین آدی: اصلی و کرم
حاضیرلایانی: حسن فرخی قراملکی
دیل: فارسجا
ناشر: رشد خلاق _ تبریز
چاپ نوبه سی: بیرینجی
چاپ ایلی: ۱۳۹۴

اصلی_کرم مؤضوعسو او قده‌ر درین جاذبه‌لی‌دیر کی، یوزلرجه کیتابلار یازیلسادا آزدیر. تبریزین قدیمی محله‌لرینده اولان قره‌ملیک بؤلگه‌سی،‌دیرلی انسانلاری، ادبیاتی، مدنیتی و اونلارجا بو کیمی مزیت‌لری ایله تانینیر. اصلی_کرم مسئله‌سینه گلدیکده ایسه بورانین جور به جور روایت‌لری، باشقا یئرلرین ایستر اصفهان، ایستر گنجه، ایسترسه ده ارزروم اولسون اولدوقجا فرقلی و مقصده اویغون گؤرونور. بیز قره‌ملیک ین توکنمز سؤز خزینه‌سی، شفاهی خلق ادبیاتی باره ده آیریجا دانیشاجاییق. آنجاق ادبیات عاشقی، ساکت طبیعت‌لی انسان ‹حسن فرخی قراملکی›_نین اصلی _کرم باره ده نشر ائتدیردیگی ایکی قیمت‌لی اثر، بیر چوخلارینین دقتینی چکمکده دوام ائدیر. روزنامه‌لرده، مجله‌لرده، کیتابلاردا اصلی_کرم باره ده بو یازی مؤلفی‌نین اولدوقجا نظرلری ایراندا، تورکیه‌ده و آذربایجان جمهوریتینده اورتایا قویولموشدو. ‹اصلی ایله کرم› ‹اصلی و کرم› کیتابلاریندا منیم اؤن سؤزلریم معین درجه‌ده بیر سیرا مؤضوعلارا آیدین‌لیق گتیرمیشدیر.
آدلاریندان بللی اولدوغو کیمی ‹اصلی ایله کرم› تورک، ‹اصلی و کرم› ایسه فارس دیلینده قلمه آلینمیشدیر. بیرینجی کیتاب آرتیق ۴_نجو چاپا گئتمک اوزره‌دیر…
بیریجی دفعه کیتاب حالینا گلن لاپ یئنی بیر روایتله قلمه آلینان ‹اصلی و کرم› داستانینی، قره ملیک روایتی اولدوقجا ماراقلی بیر اثردیر کی، بودا اؤلکه میزین باشقا ولایت‌لرینده ‹اوستانلاریندا› یاییلسین دئیه، عزیز دوستوم حسن فرخی قراملکی، فارس دیلینده یازییا آلمیشدیر. بودا اصلی _کرم مؤضوعسونا یئنی بیر قاپی آچیر.
آرتیرمالییام کی، ‹اصلی و کرم› کیتابینین اصل قایناغی تبریزده نشر اولان حیدربابا هفته‌لی‌ینین اؤزه‌ل ساییندا ۱۳۸۸_نجی ایلده، عاشیق حسین ساعی_نین تشبوثوایله تورک دیلینده ایشیق اوزو گؤرموشدور.
سئویملی اوخوجولاردان خواهش ائدیریک آذربایجان ادبیاتینا خصوصی ایله زنگین شفاهی ‹آغیز› ادبیاتیمیزا عاید اولان کیتابلاری آلماقلا، عصرلر بویو قورونوب ساخلانیلان بو توکنمز وارلیغی گله‌جک نسیل‌لره چاتدیرسینلار.

چاپ

یک پاسخ

  1. بو تور ساغلام تورکجه، همده دوز یازی سورونلو، اوزه یسل، آماتور یازین دیشی آچیقلامالاری گورنده یازینینیزین یازیق دورومونا چوخ اوزولور انسان.هاچانا دک بو تور اوزه یسل آماتور اوخونوشلار آذربایجان ادبی توملوموندا ایره لی سوه جک،؟هاچان ادبی توپلوموموزدا پئشه کار ادبی تنقیدی اوخونوشلار بیر آرایا گله جک؟ ندن بو تور ایلکین ادبی چالیشمالار آذربایجاندا اوستوندور؟ بو تور آچیقلامالار رئکلام دیرلی بیر چالیشمادیرلار.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ایکی کیتابا بیر باخیش / بهروز ایمانی

ایشیق
www.ishiq.net

آذربایجان ادبیات و اینجه‌صنعت سایتی

ایکی کیتابا بیر باخیش / بهروز ایمانی

ایشیق
www.ishiq.net

آذربایجان ادبیات و اینجه‌صنعت سایتی

ایکی کیتابا بیر باخیش / بهروز ایمانی

ایشیق
www.ishiq.net

آذربایجان ادبیات و اینجه‌صنعت سایتی