چئویرن: ایشیق
ترجمه: ایشیق
ایشیق

Yarisma2
اوخوجولارینیزدان یاردیم ایسته‌ییرم
دوقتور فیروز رفاهی

ایضاح:
تانینمیش دیلچی عالیم دوقتور فیروز رفاهی‌نین «ایشیق» سایتینا گؤندردیگی مکتوبوندا «احمد شوقی تبریزی»یه منسوب بیر فارس دیوانیندا نوقطه‌سیز یازیلمیش تورکو بیر غزلین اوخونوشونا یاردیم ایسته‌نیلیبدیر. آشاغیدا حؤرمتلی دوقتور فیروز رفاهی‌ موعللیمین مکتوبویلا برابر اشاره اولونان نوقطه‌سیز یازیلمیش شعری‌ده وئریریک. بو شعری اوخویان هر هانکی بیر اوخوجوموزون آدینی و اونا دایر دوقتور فیروز رفاهی موعللیمین ایضاحینی‌دا سایتیمیزدا وئره‌جه‌ییک.

حؤرمتله: «ایشیق»

***

دوقتور فیروز رفاهی‌نین «ایشیق» سایتینا گؤندردیگی مکتوبو

سلام عزیز دوستلار!
بیلیرسیز کی، بو یاخینلاردا “احمد شوقی تبریزی”- نین تورکی دیوانینی چاپ ائله‌دیم و سیزین سایتدا دا اونو اوخوچولارینیزا هدیه ائتدیم. من شوقی‌نین فارسجا دیوانینی آختاریشیندایام و بونو ادبیاتیمیز اوچون بیر تؤحفه حئساب ائدیرم.
بو یاخینلاردا ألیازمالار آراسیندا بیر توپولویا راست گلمیشم کی، اورادا “شوقی” تخلوصو ایله قصیده، مثنوی، غزل و رباعی وار. هله لیک اونون اوزه‌رینده چالیشیرام کی، گؤروم بو همان “احمد شوقی تبریزی”-دیر یا باشقا شوقی. شوقی آدیندا ایران ادبیاتیندا چوخ وار. آمما تورک اولان شوقی بیر نفر (هله لیک) وار.
بو مجموعه‌نی اوخویاندا غرللری آراسیندا بیر تورکجه غزل ده موشاهیده ائتمیشم. بو توپولونون چتین و ماراقلی طرفی بودور کی، بوتون شعرلر نوقطه‌سیز یازیلیبدیر.
ایندی سیزین اوخوجولارینیزدان یاردیم ایسته‌ییرم. من تورکجه غرلی سایتا گؤندریرم. خواهیش ائدیرم اونو اوخوجولارینیزا چاتدیرین گؤرک اونو کیم اوخویا بیلر. اوخویانا جایزه وئرمک شرایطینده دئییلم، آما اونا بیر لقب وئرمک اولار. «دیلینی یاخشی بیلن شخصیت».
یاردیم اوجون غزله بیر آد وئردیم. غرلین آدینی “ائتمدین” قویدوم. بیلیرم اگر غزل فارسجا اولسا اونو هامی اوخویار، آنجاق گؤرک اونو دیلیمیزده نئجه اوخویورلار. بونو بیر یاریشما حئساب ائدیب، یاریشماجیلارا اوغورلار آرزو ائدیرم. أیر بونو اوخویان شاعر اولسا داهی باشی اوجالیق اولار.
سیزه ایشلرینیزده اوغورلار آرزو ائدیرم.

ساغ اولون

چاپ

4 پاسخ

  1. چرخ دون بو اضطرابیمدان بیر آرام ائتمه دین
    بیرجه اول آهوی وحشینی بانا رام ائتمه دین
    لحظه ی بزم وصالیندا او شوخ مهوشین
    اوزگه لر تک بیر منی کامیمجا خودکام ائتمه دین
    کیمدی کیم دل وئردی اول شوخ سمنبر …
    من کیمی بو شهریده بدنام و رسوا ائتمه دین
    هر کیشی وصلین تمنا ائیله دی کیم سن اونون
    صبح عیش و عشرتین هجران ایله شام ائتمه دین
    جور هجرین سئودین و آرامین آلدی ای پری
    لیک سن بیر لحظه اوز جوروندن آرام ائتمه دین

  2. سایین دقتور رفاهی جنابلاری من بیر دوستون وسیله سیله ایکی ایلک بیتی یئله آنلادوق کی اوماریم دوغرودور.

    بو ایکی بیتی دیر
    اسکی املا ایله:
    چرخ دون بو اضطرابمدن بر آرام ایتمدین
    گرچه اول آهوی وحشینی بکا رام ایتمدین
    لحظه بزم وصالنده او شوخ مهوشنک
    اوزگلر تک بر منی کاممجه خودکام ایتمدین

    یئنی لشمیش الفبامیزلا
    چرخ دون بو اضطرابیمدن بیر آرام ائتمه دین
    گر چه اول آهوی وحشینی مانا رام ائتمه دین
    لحظه بزم وصالینده او شوخ مهوشین
    اؤزگه لر تک بیر منی کامیمجه خودکام ائتمه دین

  3. سایین دکتر رفاهی جنابلاری من اوخویا بیلدیگیمی یازیب ایشیق سیته‌سینه گؤندردیم. سیزه باشاریلار دیله‌ییرم.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

اوخوجولارینیزدان یاردیم ایسته‌ییرم/ دوقتور فیروز رفاهی

ایشیق
www.ishiq.net

آذربایجان ادبیات و اینجه‌صنعت سایتی

اوخوجولارینیزدان یاردیم ایسته‌ییرم/ دوقتور فیروز رفاهی

ایشیق
www.ishiq.net

آذربایجان ادبیات و اینجه‌صنعت سایتی

اوخوجولارینیزدان یاردیم ایسته‌ییرم/ دوقتور فیروز رفاهی

ایشیق
www.ishiq.net

آذربایجان ادبیات و اینجه‌صنعت سایتی