چئویرن: ایشیق
ترجمه: ایشیق
ایشیق

آذربایجانلی خواننده «جمشید نجفی» حیاتینی ایتیردی

خبر آژانس‌لارینین یایدیغی معلوماتا استنادا، تانینمیش آذربایجانلی خواننده «جمشید نجفی» بهمن آیی‌نین ۱۰نجی گونو تهرانین شهرری منطقه‌سینده اتومبیل حادثه‌سی سببیندن یارالانمیش و خسته‌خانایا چاتدیریلدیقدان سونرا تاسفله حیاتینی ایتیرمیشدیر.
«جمشید نجفی» ۱۳۲۹نجی ایل مهاجر بیر آذربایجانلی عائله‌ده دونیایا گؤز آچمیشدیر. آتاسی باکی‌دان ایران آذربایجانینا کؤچموش، اردبیللی بیر قیزلا عائله قوردوقدان سونرا، ماراغا شهرینده مسکونلاشمیش، سونرالار تهرانا کؤچموش و جمشید نجفی همن شهرده دونیایا گؤز آچمیشدیر.‌
جمشید نجفی اللینجی ایللردن خواننده‌لیگه باشلامیش، فعالیتی‌نین ایلک ایللرینده داها آرتیق فارس ماهنیلاری‌نین ایفاچیسی کیمی تانینمیش، سونرالار خصوصیله‌ده ایراندا انقلاب اولدوقدان سونرا آذریایجان تورکجه‌سینده صنعتینه دوام وئرمیشدیر. ایران عراق محاربه‌سینده اونون ایفا ائتدیگی «خلبانلار» مارشی و سونرالار «گئجه‌لر» و «نازلی قیزیم» ماهنیلاری خواننده‌نین چوخ گئنیش یاییلان ایفالارینداندیر.
«ایشیق» آذربایجان ادبیات و اینجه‌صنعت سایتی امکداشلاری آدیندان تانینمیش آذربایجانلی خواننده جمشید نجفی‌نین ایتگیسینی آذربایجان صنعتکارلار جمعیتینه، حیاتینی ایتیرمیش صنعتکاریمیزین حؤرمتلی عائله‌سینه و دوست تانیشلارینا باش ساغلیغی وئریریک؛ خاطیره‌سی عزیز اولسون.

«ایشیق»- آذربایجان ادبیات و اینجه‌صنعت سایتی
۱۱/۱۱/۱۳۹۹

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

آذربایجانلی خواننده «جمشید نجفی» حیاتینی ایتیردی

ایشیق
www.ishiq.net

آذربایجان ادبیات و اینجه‌صنعت سایتی

آذربایجانلی خواننده «جمشید نجفی» حیاتینی ایتیردی

ایشیق
www.ishiq.net

آذربایجان ادبیات و اینجه‌صنعت سایتی

آذربایجانلی خواننده «جمشید نجفی» حیاتینی ایتیردی

ایشیق
www.ishiq.net

آذربایجان ادبیات و اینجه‌صنعت سایتی