2 پاسخ

1. آذربایجانیمیزین جاندان یانان ادبی – ایجتیماعی شخصیتلریندن بیری اولوب، اونون داشلی – چینقیلی یولاریندا یورولمادان ایره لیله ییشده اولان ادبیات خادیمی اوستاد مظفر درفشی نین وفاتینی بوتون آذربایجان یازارلار ،شاعیرلر و مدنیت خادیملرینه ائله جه ده « صابر ادبی درنگی » نین سایین عضولرینه و شاعیرین محترم عایله عضولرینه باش ساغلیغی دئیرم. ۱۳۷۳ گونش ایلیندن بری اوستاد مظفر درفشی نین باشچیللیغی ایله یارانان « صابر ادبی درنگی» نه قوشولدوغوم گوندن بویانا، او محتشم کیشینین خالقا خیدمت اوچون توکنمز اراده سینین شاهیدی اولدوم. چوخ دؤزملو، تواضعکار و ایدعاسیز بیر شخصیت ایدی .اونون تمکین و گؤستریشلری باعث اولدو کی، « صابیر ادبی درنگی » شرق دونیاسیندا تایی گؤرونمیه ن بیر ادبیات اوجاغینا چئوریلسن . چاغداش آذربایجان ادبی – ایچتیماعی درنکلرینی گؤزدن کئچیزنده مظفر درفشی نین باشچیللیق ائدیگی بودرنک، ادبی حیاتیمیزین شاه اثری دیر دئسه هئچ ده یانیلمیریق. اگر اوستاد درفشی شعیریمیزده شاه اثر یارادیب گتمه دیسه،،اونون یاراتدیغی صابیر درنگی ادبیات دونیامیزین شاه اثری اولدو .اومود ائدیرم کی، اونون دوامچیلاری اوستاد مظفردرفشی نین مقدس ادبی- ایجتیماعی یولون داوام ائتمکله اونون تاریخده اونودولماز خیدمتلرینی نسیل-سیل یاشادا بیلسین .یولو داواملی اولسون ./. سایغیلارلا: ۱۷//۱۱/۱۳۹۳- ( صدیار وظیفه) ائل اوغلو

2. روحو شاد اولسون – یولو داواملی اینشاا…
   آزربایجان باشین ساغ اولسون