قوجامان انقلابچی کرونا ویروسا تسلیم اولدو
چوخ تاسفله آذربایجانلی اجتماعی شخصیت و قوجامان انقلابچی «محمدعلی متولی» فروردین آیی‌نین ۲۷نجی گونو کرونا ویروسا یولوخما سببیندن حیاتدان آیریلدی و یاشادیغی تهران شهرینده تورپاغا تاپشیریلدی. حیات و مبارزه‌سی حاقیندا «ترانه‌ای در زمستان» آدیندا گؤرکملی یازیچیمیز ابراهیم دارابی‌نین یازدیغی ۸۰۰ صحیفه‌لیک رومانین قهرمانی «محمدعلی متولی» عؤمرونون یئتمیش ایلدن آرتیغینی اجتماعی عدالت و آزادلیق اوغروندا مبارزه آپارمیش و بیر چوخ عذاب اذیتلره قاتلاشماغینا رغما عؤمرونون سون گونلرینه‌دک اومیدله یاشامیش و اینامینی ایتیرمه‌میشدیر.
قوجامان انقلابچی«محمدعلی متولی»نین ایتگیسینی خالقیمیزا، حؤرمتلی عائله عضولرینه و دوست تانیشلارینا تسلیت دئییر، شرفلی خاطیره‌سینی عزیزله‌ییریک.
«ایشیق» – آذربایجان ادبیات و اینجه صنعت سایتی
