کازوئو ایشی گورو
چئویرن: کنعان حاجی
ترجمه: کنعان حاجی
کنعان حاجی

بو گون ائدینین بؤیوک قارداشینی گؤردوم. بئلینی سویوغا وئریب. ائدینین اؤزو بیر نئچه هفته بوندان اؤنجه بو باره‌ده نسه دئمیشدی.
اونو ساحیلده بویلینق ترئکینین یاخینیندا گؤرنده اؤز موتوسیکلئتینی سورمه‌یی اؤیره‌نیردی. خسته‌لندییی حیسس اولونموردو. بورونجدن تؤکولموش بدنیله اولدوقجا ساغلام گؤرونوردو. گؤرونور، زهر اؤز تاثیرینی گئج گؤستریر.
ائوه دؤنوب حجمتیمی‌دیققتله موعاینه ائله‌دیم. (ائدی هئچ نه‌سیز یولوخا بیله‌جه‌یینه اینانیر). هر شئی یولوندایمیش کیمی گؤرونوردو. گؤره سن، بؤیوک قارداشیندان یولوخا بیلردی می؟
۲۹ اییول
آنام تیلفوندان آشاغی مرتبه‌ده دئییل، اؤز اوتاغیندا ایستیفاده ائدرکن احتماللا اونو ائشیتمه‌دییینی ظن ائدیر. اوتاغیمدایامسا، راحاتلیقلا اونو ائشیده بیلرم. اؤتن گئجه دالبادال “پوست، پوست، پوست” دئدییینی ائشیتدیم. قیشقیرمیردی، آمما ائوده اولماسایدیم، سسی عالمی باشینا گؤتوره‌جکدی. ایسراغاگون، چؤله چیخمیشدی، ائوده قاییداندا گؤزونون آلتی قارالمیشدی.
آنام گنج قیز دئییل. بیر آی بوندان اؤنجه‌یه قدر اونون ائله گنج قیز اولدوغونو ظن ائدیردیم. گؤزللیک سالونوندا گئدیب ساچلارینی فورمایا سالمیشدی، اینینده کی بو بوتلاری، قیرمیزی شالواری آلمیشدی. بو حالیندا آرخاسی یوپ یومورو گؤرونوردو. بیر آنلیق شاشیردیم، بلکه آنام دئییل، گؤزومه گنج بیر قیز کیمی گؤرونوردو. آمما ایندی فیکیرلشنده یانیلدیغیمی گؤرورم. دوغرودان دا چوخ یاشلیدی.
۱ آوگوست
آنام یئنه بوتون گونونو چؤلده گزیب دولاشمیشدی. ائوده تک قالماق وئجیمه دئییلدی. تک دئییلدیم، نااومی یانیمدایدی. پروبلئم چیخماز دئیه، دوشونوردوم، آمما آز کئچمه‌میش بیرنئچه اوشاق – داوه آتکیستون و او بیریلری – اونو پارکدا توتوب باشینا اویون آچمیشدیلار و سونرا دا قاچیب آرادان چیخمیشدیلار. او گون مؤحکم‌ده‌ینک یئدیم. او گوندن آرتیق منی مکتبه قدر ایزله‌مه‌سینه ایذن وئرمیردیم.
ده‌ینک یئمه‌یه آلیشمیشدیم. مکتب یارامازلارلا دولوب داشیردی. ائدی ایستیثنا ایدی. سئودیگیم یئگانه اینسان او ایدی. آمما ائدی قیزین بیرینی اوولادیغینی دوشونوردو. سامانتا کئنداللا بیر-بیرلرینی سئودیکلرینی ظن ائدیردی. قیز سونونجو صینیفدا اوخویوردو. داواملی اولاراق دوشونوردوم کی، مکتبلر آچیلاندا درسه گئتمه‌یه‌جه‌یم. آنام زورلا منی مکتبه گؤنده‌ره‌جکدی می، بونودا بیلیردیم. اووللر منه قارشی چوخ سرت ایدی، ایندی آرتیق ائله دئییلدی. گئجه‌دن خئیلی کئچمیشه قدر ائوه گلمیر، منیمله ماراقلانمیردی.
۴ آوگوست
حیطده گون کئچیرمک دوغرودان دا جان‌سیخیجی ایدی. نااومی دا بالاجا واختلارینداکی کیمی داها ایلنجه‌لی دوست دئییلدی. ساکیتجه بیر کونجه‌ده اوتوروب قالیر یا دا هاراسا چیخیب غئیبه چکیلیردی. قارنی آجالاندا من یادینا دوشوردوم.‌لاپ بو درجه‌ده سایمازلیق ائتمکده‌ده حددینی آشیردی. آرتیق اونا قولاق ائتمه‌یه‌جه‌یم، گؤروم، اوندا خوشونا گلجک می؟
ائدینین بو گون گله‌جه‌یینی گومان ائدیردیم، آمما گلمه‌دی. اؤزونه قیز تاپاندان یوخا چیخمیشدی. مکتبه قاییدیب-قاییتمایاجاغیمی بیلمیردیم. مکتبه گئتمه‌مک‌ده آداما‌سیخینتی گتیریر.
۵ آوگوست
بو گون نااومییه یئمک وئردیم. آرخامجا سورونور، وئجیمه آلمیرام. جزاسینی چکیر. کاش قدریمی بیلئیدی. من اولماسام، کونجلرده آج-یالاواج قالاجاق.
مطبخده کی چکمه‌جه‌لردن بیرینده آنبارین کیلیدینی آچان آچاری تاپدیم. آنبارا دوشوب اورالارا گؤز گزدیردیم. بورا چوخ آتاما عایید کیتابلارلا، بونا بنزر شئیلرله دولو ایدی. کیتابلار او قدرده یاخشی وضعیتده دئییلدی. آمما کونجلردن بیرینده اوست-اوسته‌ییغیلمیش ادبسیز درگیلر ‌دیققتیمی چکدی. بایاغی درگیلر ایدی، شکیللرده کی قادینلارین ساچلاری عجاییب فورمادا ایدی، آیاقلارینین آراسی ایسه هئچ گؤرونموردو. بیر نئچه‌سینی اؤزومله گؤتوروب حیطه چیخدیم و ورقله‌مه‌یه باشلادیم.
۹ آوگوست
سون بیر نئچه گون او قدرده جان‌سیخیجی کئچمه‌دی. نااومییله اویناماق اوچون یئنی اوینون ایجاد ائله‌میشدیم. خالتاسینی دارتیب قابینا یئمک قویوردوم، یئمک اوچون جوماندا خالتانینی چکیردیم، آغزی یئمه‌یه چاتمیر، قریبه سسلر چیخاریردی. بیر آز سونرا یئمه‌یی دولابدا ال چاتمایان بیر یئره قویوردوم. ان یاخشیسی اونو آچیب بوراخماق ایدی، یوخسا اویناماقدان واز کئچه‌جکدی. حیطده کی بوتون درگیلری بیر-بیرینه قاتیر، بیر آز کئچندن سونرا مطبخه قاییدیب یئمه‌یی دولابدان چیخاریرام و تیکرار اویونا باشلاییریق. ان ایلنجه‌لی یئری خالتاسینین ایپینی‌ ییغارکن عصبلشمه‌سیدیر. اوندا دلی کیمی قاباغا دوغرو دارتینیر، خالتاسینین ایپینی چکدیییم اوچون گئری دؤنمه‌یه مجبور اولور.
درگیلر قادینلارین آیاقلارینین آراسینی گؤسترمه‌سه‌ده بد دئییلدی. گؤره‌سن بو قیزلاردان بیری‌ده ائدینین بؤیوک قارداشی کیمی بئلینی سویوغا وئریب؟ بؤیوک احتیماللا فاحیشه یا دا ایستریپتسیز گؤسته‌رنلر ایدیلر. خسته کیمی گؤرونمورلر، اصلینده ائدینین قارداشیدا هئچ خسته‌یه اوخشامیر. زهر اؤز تاثیرینی گئج گؤستریر.
یئنه حجمتیمه باخدیم. یوخ، هله ساغلامام.
۱۰ آوگوست
آنام دونن گئجه یئنه آغلاییردی. ساعاتلار تیلفونلا دانیشدی. آغلاییر، سونرا “لوطفا،‌لوطفا،‌لوطفا” دئییب دوروردو. آرا وئرمه‌دن عوذر ایسته‌ییر، آغلاییردی. اووللر آغلامازدی، آمما سون واختلار آغلاماغینی دویورام. بو سحر گؤزلرینین شیشدییینی گؤردوم. چوخ ائوده قالماسینی ایسته‌مه‌دیییم اوچون تئز-تئز جونجیغازینی نه واخت گئدیب گؤره‌جه‌یینی سوروشدوم. ائوین تؤر-تؤکونتو اولدوغونو،‌ییر-ییغیش آپارماق‌لازیم گلدییینی دئییردی. منه مودیرلیک ائتمه‌یه باشلادی و پیشییی باخیب-باخمادیغیمی سوروشدو. باخدیم، دئدیم. او، چیخار-چیخماز اویونوموزا باشلاماغا تله‌سیردیم. جونو نه واخت گئدیب گؤره‌جه‌یینی بیر‌ده سوروشدوم. اوستومه، چمکیردی: – گئت اوتاغینا، اؤز ایشینله مشغول اول! یئنه ساعاتلار تیلفونون‌دیبینی کسدیریب دوردو، سونرا دا اؤزو یاخدیغی بیر کیلو ماکییاژلا، ازیلیب بوزوله-بوزوله یانیما گلدی و چؤله چیخاجاغینی دئدی. ائوین تؤر-تؤکونتو اولماسی مسئله‌سینده حاقلی ایدی. ائوین هر طرفینده هؤرومچک تور قورموشدو و قوخو هر یئری بوروموشدو.
۱۱ آوگوست
سئویشمک ایسته‌دیییمه امین دئییلم. خسته‌لییین‌سیزی نه واخت یاخالایاجاغینی هئچ واخت بیله بیلمزسینیز. عینا گؤبلک سئچمک کیمیدیر. گؤبلک سئچمک‌ده تهلوکه‌لیدیر، چونکی بعضیلری زهرلی اولور و اونلاری یئدیکده خسته‌لنه بیلرسینیز.
۱۳ آوگوست
گونورتادان سونرا بیر حادیثه باش وئردی و بو حادیثه‌دن سونرا اوزون موددت اؤزومو قریب کیمی حیسس ائله‌دیم. ایضاح ائتمک چتیندیر. قاپینین زنگی چالدیقدا نااومیله مطبخده اویون اویناییردیق، خالتانین ایپینی ائله توتموشدوم کی، باشی یئمک قابیندان بیر نئچه سانتیمتر آرالی اولسون. او آن اؤزومو ایتیردیم، نه ائده‌جه‌ییمی بیلمه‌دن دؤنوب قالدیم. نااومی دارتینماغیندا ایدی. زنگ تیکرار چالیندیقدا قاپینی آچماق اوچون چیخدیم. ایکی اوزون بویلو آمئریکان حریفدن بیری “آنان ائوده‌دیر می” دئیه سوروشدو. یوخ دئدیکده دوستویلا باخیشدیلار، اوندان راضیلیق آلاندان سونرا عیسا حاققینداکی، اونون بیزی نئجه گلیب خیلاص ائده‌جه‌یی مؤوضوعسونداکی خبرلری هانسی یوللا یایدیقلارینی آنلاتماغا باشلادی. بو حاقدا آناملا دانیشا بیله‌جکلرینی اونلارا ایضاح ائدیب قاپینی اوزلرینه اؤرتدوم. مطبخه قاییداندا نااومینی آجلیقدان چیخیبمیش کیمی یئمه‌یه گیریشدییینی گؤردوم. عصبیمدن زاواللینین خالتاسینی ائله دارتدیم کی، هاوادا آسیلمیش وضعیتده قالدی. چوخ حیرصلندیم، اونو باشیم برابریمه قدر قالدیردیم، منیمله اوز به اوز قالدی. گون ایشیغی نااومینین اوزونه ائله دوشموشدو کی، گؤزلری شوشه کیمی پاریلداییردی.‌دهشته گلدیم، اونو یئره بوراخدیم. اؤزومو شعورسوز کیمی حیسس ائتدیم و حیطه چیخدیم. کولک وار گوجویله اسیردی، درگیلر چمنلییه سپلنمیشدی.
۱۴ آوگوست
دونن گئجه آنام “سنه‌نیفرت ائدیرم،‌نیفرت ائدیرم،‌نیفرت ائدیرم” دئیه، باغیریردی.سانکی ائوده اولدوغومون، اونو ائشیده بیله‌جه‌ییمین فرقینده دئییلدی. آز کئچمه‌میش سسینی بیر آز دا قالدیردی: “گولمه‌یینی کس، پزه ونگین بیری پزه ونگ، کس، دئییرم!” سونرا یئنه اونا‌نیفرت ائتدییینی هایقیردی. آمما سحریسی هئچ نه اولمامیش کیمی ساکیت و سوسقون ایدی، یان اوتاقداکی بوتون اشیالاری آنبارا داشیماغینی خواهیش ائتدی. سببینی سوروشدوقدا جونون بیزه کؤچه‌جه‌یینی دئدی. آمما او دا قیزی کئرولدان یانایدی، اونو دا اؤزویله گؤتوره‌جکدی. اوتاغین ساعات ۶-یا قدر حاضیر اولماسینی تاپیشیریب چیخدی. دئیه سن جون دا آنامین اوتاغیندا یاتاجاقدی. منجه سئویشه‌جکلر.
..گ.س. ۱:۰۰
بوتون اشیالاری آنبارا داشیمیشدیم و اوتاق حاضیر ایدی. بیر ایش قالمامیشدی. آنام کئرولون اون آلتی یاشلی اولدوغونو دئییر.
باشقا درگیلرین‌ده اولوب-اولمادیغینی یوخلاییرام، او بیریله رینه باخمیشدیم، باشقالاری گؤزومه‌دیمه‌دی. درگی عوضینه الیمه اوت-علف، زیق-زیمیریق کئچدی. آنباردان چیخدیم و چوخ-چوخ اووللر مکتبدن چیرپیشدیردیغیم تجروبه بالونونو گؤتوردوم. ایچینده کینین زهر اولدوغونا امین دئییلدیم، آمما بؤیوک احتماللا زهر ایدی. دئمک، آنباردا زهر وارمیش دئیه قاپیسی داییم کیلیدلی اولورموش.
ساعات هله بیری کئچمه‌ییب. درگیلری تیکرار گؤزدن کئچیرمک اوچون واختیم وار. دوننکی حادیثه‌دن سونرا داها نااومیله اویناماق ایسته‌میرم.
..گ.س. ۵:۲۰
بو گونورتا گؤروله‌سی چوخ ایش واردی. باشلانقیج اولاراق نااومینی اؤلدوردوم. نئجه؟ همیشه کی کیمی، خالتاسینی بوینونا کئچیردیم، آنجاق بو دفعه ایپی ماسانین آیاغینا باغلادیم.‌یمه‌یینی حاضیرلاییب یئره قویدوم. ماسانین اطرافینا دولاشیب قالدی. یئمک قابینی آغزی چاتمایان یئره قویدوم و حیطه چیخدیم. اوچ ساعاتدان سونرا قاییدیب یئمک قابینی چؤله چیخارتدیم. سونرا تجروبه بالونونون ایچینده کینی پیشییین یئمه‌یینه تؤکدوم. آزجا قاریشدیردیم کی، یئمه‌یین ایچینده گؤرونمز اولسون. سونرا مطبخه قاییدیب قابی یئره قویدوم.‌ دهشت آجدیغیندان دورمادان مییولداییردی. قایچی ایله خالتانین ایپینی کسدیم، یئمک قابینا دوغرو گؤتورولدو. یئمه‌یه باشلادی، سونرا دوردو و اوزاغا باخدی. پیشیکلر چوخ عاغیللی اولور. زهرلندیکلرینی آنلایا بیلرلر.
اونو ‌دیققتله ایزله‌ییردیم، زهرلندییینه امین دئییلدیم. نه قدر چکه‌جکدی؟ اؤنجه چؤملدی، سونرا قریبه سس چیخارتماغا باشلادی. چالخالانما سسینه ]سسی[ ، بیر آز آوتوبوسون دایاناجاقدا ایله یرکن چیخدیغی سسه بنزه‌ییردی… سونرا گئدیب قاپینی جیرماقلاماغا باشلادی. قابیرغالارینین آشاغی-یوخاری حرکت ائتدییینی گؤروردوم. داها سونرا آرخا آیاقلاری اوستونده دوردو و پیشیکدن چوخ قوش سسینی آندیران کومیک سسلر چیخماغا باشلادی. و هر شئی آغزیندان چؤله تؤکولمه‌یه باشلادی. دوشمه‌نین اوستونده گؤلمجه عمله گتیردی. اییلیب باخدیم، خیردا شئیلری حوووضدا اوزورموش کیمی سئیر ائتمک ایلنجه‌لی ایدی. سونرا یانا دؤندو و آرخا آیاقلاری بوکولمه‌یه باشلادی. گؤزلری سانکی منه باخیرکن قاپاندی و یئره دوشوب ترپنمز قالدی.
بیر آز گؤزله‌دیم. سونرا یئره قزئت سردیم، اونا توخونماق ایسته‌مه سم‌ده قالدیریب قزئتین اوستونه قویدوم، قالدیرماق ایسته‌ینده سوروشوب یئره دوشدو. سو کرانین آلتینداکی دولابدان پلاستیک پاکت چیخارتدیم. بیر آز کیرلییدی،‌دیبینده سارمتیل مایع واردی، اونو پاکت واسیطه‌سیله یئردن گؤتورمه‌یه چالیشدیم، باجارمادیم. آخیر بیر تهر بو ایشین عؤهده‌سیندن گلدیم. پاکتین ایچینده بوکولدو. پاکتی قالدیراندا ایچینده کی مایع‌سیزماغا باشلادی و یئرده خیردا نوقطه‌لر عمله گلدی. یئری‌سیلمه‌میشدن پاکتی چؤله چیخارمالی اولدوم. پاکتی نااومینی ایلک دفعه گؤردویوم یول کنارینا آتدیم. یولدا اولارکن آیاغیمین اوستونه نسه تؤکولدویونو حیسس ائتمیشدیم. پاکتدن سوزولن مایع جینس شالواریمی بولامیشدی. بیر آزدان قورودو.‌لکه قالاجاغینی دوشونمورم. ائوه قاییداندا شالوار قوخویوردو، آمما آرتیق ایی‌ده قالماییب.
۱۹ آوگوست
آرتیق ائوده تک قالا بیلمیرم. آشاغی دوشمورم، چونکی آنام و جون اوردادیرلار. حیطه‌ده دوشمک اولمور. چونکو او اورادادیر. کئرولو حیسس ائدیرم. یاتاغیمین آلتیندا بیر نئچه درگی وار، آمما آرتیق اونلارادا ماراغیم قالماییب. آنام دونن اوتاغیما گلیب جونلا دانیشمادیغیم اوچون منی دانلادی. اوولجه آستادان دانیشماغا باشلادی، تدریجا سس تونونو قالدیردی و منی عمللی-باشلی دومسوکله‌دی. سونرا کیمینسه یوخاری قالخدیغینی حیسس ائتدیک، منه معنالی بیر باخیش آتیب چیخدی. جونلا هله دانیشمیرام. اونو سئومیرم. الیمدن بیر خطا چیخماغینی گؤزله‌ییر کی، اوستومه باغیرسین.
باشقا بیر گون پیلله کانین باشیندا دورارکن اونلارا چای آپارماغیمی خواهیش ائله‌دی. جونون شکردن ایستیفاده ائتمه‌دییی اوچون چایینا بوللوجا شکر قاتدیم. یوخاری قالخاندا آنام قیشقیردی کی، ایچری گیرمه،‌سینینی یئره قوی! ائشیتمه‌میش کیمی اوتاغا گیردیم. ایکیسی‌ده یاتاقدا ایدی، جونون قوللارینداکی و‌سینه‌سینده کی دؤیمه‌لری گؤردوم. آنام “سینینی قویوب رد اول!” دئدی.
۲۱ آوگوست
ساعات ۱۲-نی وورمامیش قالخمادیم. اویانماغا‌دیمزدی، چونکی گؤره‌جک بیر ایش یوخ ایدی. نه واخت اویانیردیم، کئرولو گونش وانناسی قبول ائدن وضعیتده گؤروردوم. اونا پنجره‌دن باخماق خوشما گلیر. اونو ایزله‌دیییمی فرق ائتمه‌سینه ایمکان یوخ ایدی، داییم بؤیرونده کیتابلار اولوردو و چوخ واخت دا یاتیب قالیردی. ممه‌لری حقیقتا‌ده بؤیوک ایدی، آمما درگیده کی قیزلارین دوشلری بویدا دا دئییلدی. بدنی بایاغی بیر بورونجه چالیردی. گؤزلویونو چیخارماسادا پیس گؤرونموردو.
دونن مطبخده چای دمله یرکن کئرول حیطدن ایچری کئچدی. گیرر-گیرمز گؤزلریمین ایچینه باخدی. چکیندیم و گؤزلرینه باخا بیلمه‌دیم. چونکی داها اوول هاردا گؤردویومو بیلیردیم.
۲۲ آوگوست
دونن گئجه‌نین بیر یاریسی یوخودان اویاندیم، آنام تیلفوندا باغیردیغی کیمی بو دفعه جونون اوستونه قیشقیریردی. جون دا اونا گولوردو. او، دایانمادان گولوردو، آنام دا “شرفسیز، شرفسیز، شرفسیز” دئیه، باغیراراق آغلاییردی. او ایسه گولمه‌یینه داوام ائدیردی.سونرا آنام اوتاغیندان چیخیب توالئته گیردی. اوزون موددت چیخمادیقدا گؤره سن اوردا نه ائدیر دئیه ماراقلانماغیما باشلادیم. آخیر کی، جون یاتاق اوتاغینین قاپیسینی آچیب کیمسه‌نی وئجینه آلمادان “آللهیم” دئیه چیغیردی. سانکی ایتینی چاغیریردی: “چیخ اوردان، هارداسان سن…” آنام اوتاغیندان چیخیب ‌دهلیزه کئچدی. جون اونا “گیر ایچری” دئدی، قاپی چیرپیلاندان سونرا آرا ساکیتلشدی. کئرولون اوتاغی‌دهلیزین ایکی آددیملیغیندا ایدی. گؤره سن نسه ائشیتمیشدی کی؟
۲۳ آوگوست
کئرول یاتمیش کیمی گؤرونور، آمما نه واخت اونو پوسسام، بونو حیسس ائدیر. بو گون اویاندیم و پنجره‌دن باخدیم، اوزو اوسته اوزانمیشدی. آمما من باخدیقدا سانکی باخیشلاریمی حیسس ائدیب گئرییه چئوریلدی. یاتاقداکی کیمی چوخ راحات ایدی. اؤزونو یوخودان اویانیبمیش کیمی گؤستردی.
۲۴ آوگوست
کئروللا بیرلیکده حیطده گزیردیک، سونرا یئنیدن ائوه قاییتدیم. خیلی موددت مطبخده اوتوردوم، گلیب اونونلا بیرلیکده چمنلیکده اوزانماغیمی ایسته‌دی. سرتلشنده گؤرمه‌سین دئیه اوزو قویلو اوزانیب وضعیتدن چیخدیم. آز سونرا هر شئی قایداسینا دوشدو و بورادا اوزانماق خوشوما گلدی. او، منه مکتبلی باغلی سئواللار وئردی، بوتون گونو ائوده نه ایشله مشغول اولدوغومو سوروشدو. آمما سونرا پیشیکلر حاققیندا دانیشماغا باشلادی. پیشیکلری سئویرممی، اونلار ایتلردن داها شیرین، سئویملی، داها عاغیللیدیرلارمی؟
“اوول سنینده پیشییین واردی، دئییلمی؟”
“یوخ، هئچ واخت پیشیییم اولماییب، اولماسینیدا ایسته‌میرم”.
“آنان دئییردی ‌سیزین‌ده پیشییینیز وار آخی”.
“هه، دوغرودان ائ، اونوتموشدوم” – دئدیم.
ائوه قاییتدیم، داها اونو ایزله‌مه‌یه ماراغیم قالمامیشدی.
۲۸ آوگوست
آناملا جون بو آرالار تئز-تئز ائشییه چیخیردیلار. من‌ده کئروللا چمنلیکده اوزانیب اویون اویناییردیق، اونون بدنینین هر یئرینی ال‌له‌مه‌ییمه ایجازه وئریردی. اونو ظریف توخونوشلارلا‌سیغارلاییردیم، بو خوشونا گلیردی. بعضا اوزو اوسته اوزانیب بیکینیسینین اوست قیسمینی چیخاریر کی، چییینلری و اومبوزلاری یاخشیجا قارالسین. الیمی چیینینده گزدیرمه‌ییم خوشونا گلیر، آمما اساس ماتئرییالا توخونماغا ایجازه وئرمیر. الیمی بئلینه سورتنده آیاقلاری غیر-ایختییاری آرالانیر. حجمتیم او قدر برکیییر کی، آغری وئریر. اونا ایطاعت ائتمه‌ییمده اوزومه ایریشیر.
۲۹ آوگوست
ائدی سامانتا کئنداللا یاتدیغینی ایددیعا ائدیر، من اونا اینانمیرام. اونا مئیدانداکی قزئت فیلیالیندا راست گلدیم. اوندان دانیشدی و نه قدر خاریقه بور]بیر[ شئی اولدوغونو، بو ایشی تیکرار ائده‌جکلرینی دئدی. ایسته‌دیم داها‌نییه گلمه‌دییینی سوروشوم، فیکریمدن وازکئچدیم. آمما سامانتا کئندال حاققیندا صؤحبتلر افسانه یدی.
۳۰ آوگوست
کئرول آنام حاققیندا بعضی شئیلر دانیشماغا باشلایینجا منیم اوچون بیتمیش اولدو. قانجیغین بیرییدی. آتاسی آنامی بارماغینا دولاییب، آنامین یاشلی اولدوغوندان اونو هئچ کسین سئومه‌یه‌جه‌یینی دوشونوب. دانیشیردی کی، نه واخت آنامین ایداره‌سینه گئدیرمیش، آتاسینی آناملا سئویشن وضعیتده گؤرورموش. گونورتادان سونرا آخشاماجان کئف چکیرمیشلر. اونا سوسماسینی امر ائتدیم، آمما دورمادان قولاغیمین ‌دیبینه میزیلداییردی،‌ سیرتیقجاسینا اوزومه ایریشیردی. بوتون بونلاری دالیدان اویدوردوغونو دئدیم، اوزومه هیریلداییب هامیسینین دوغرو اولدوغونو سؤیله‌دی. بیر دفعه‌ده ایداره‌ده سس-کوی قوپوب، آنامی چیلپاق وضعیتده چؤله آتیبلار. من اونو سؤیدوم، آمما او، داوام دئدی: آنان ایداره‌نین قاباغیندا‌دیزه چؤکوب آتاما یالواریرمیش کی، اونو ایچری بوراخسینلار. آتامسا ایچریده دایانمادان گولوب، ساعاتلار قاپینی آچماییب. یوخاری قالخیب اوتاغیما کئچدیم. کئرولسا هله‌ده گولوردو، ایسته‌سیدیم، داوامینی، داها بی آبریچی شئیلری دانیشا بیلردی. قانجیق!
۲ سئنتیابر
آناملا جون بیرگونلوک مارگیته یولا دوشدولر. بو دا او دئمک ایدی کی، بیز کئروللا گئن-بول واخت کئچیره بیله ریک. ممه‌لرینه توخوندوغوم واختدان بیر ساعات کئچیردی. قفیلدن قالخیب اویونو بیتیرمک ایسته‌دیم، آمما بوندان آرتیغینا ایجازه وئرمیردی. الینی کؤینه‌ییمین ایچینه سالیب بدنیمده گزدیریردی. من‌ده الیمی اونون شالوارینین ایچینه سوخماغا‌ جهد ائله‌دیم، بو آن‌ دیرناقلارینی قارنیما باتیردی. آغریدان ایکی قات اولدوم.‌ نییه بئله ائله‌دین، دئیه سوروشدوم. قالخیب اوتورموشدو. “چونکی آرتیق آزغینلیق ائدیردین، اؤزونه گلمه‌یین‌لازیم ایدی” – دئدی. اونا باخدیم، آرخاسیندا گونش باتماقدایدی و بو منظره عینه‌یینده عکس اولونماقدایدی. گولوب “سنی اؤزونه گتیرمه‌یی باجاریرام” دئدی.
۳ سئنتیابر
ان یاخشیسی، هر شئیی اوولدن باشلاماقدیر، عکس تقدیرده بعضی شئیلری اونودا بیله‌رم. پنجره‌یه یاخینلاشیب کئرولا باخدیم، بو دفعه همیشه کی یئرینده دئییلدی. اینیمی گئیینیب توالئته گئتدیم، ساغلانملیغیمی یوخلاماق اوچون حجمتیمی گؤزدن کئچیردیم. آنامین و جونون گولوش سسلری ائشیدیلیردی. آشاغی دوشرکن کئرولون قاپیسینین آرالی اولدوغونو گؤردوم. سس چیخارمادان یاخینلاشیب ایچری بویلاندیم. پرده‌لری چکیلمیشدی، گونش اوتاغی ایشیقلاندیریردی، ایچریده توزلارین اوچوشونو گؤرمک اولوردو. کئرول یاتاغیندا چیینی اوسته اوزانمیشدی. آدیالی یوخودا تپیک آتمیش کیمی آیاقلارینین اوجونا سوروشموشدو. گون ایشیغی اوزونه دوشدویوندن گؤزلرینی گؤره بیلمیردیم. یاتدیغینی ظن ائتمیشدیم، چونکی باشی یانا اییلمیشدی، آغزی ایسه آرالی قالمیشدی. درگیده کی فاحیشه‌لردن مین دفعه گؤزه‌ل گؤرونوردو. آز سونرا گونش یئرینی‌ده‌ییشدیکده اوزونو گؤره بیلدیم. سن دئمه، بایاقدان منی موشاهیده ائدیرمیش. نه ائده‌جه‌ییمی بیلمه‌دیم، بیر آنلیق دونوب قالدیم. منه باخماغا داوام ائدیردی، آغزی هله‌ده آچیق ایدی، جسد کیمی منی ایزله‌ییردی. قورخونج ایدی. سونرا قوللاری ترپندی، الینی اینانیلماز آغیرلیقلا اوزادیب آدیالی چنه‌سینه قدر چکدی. سونرا گولومسه‌یه‌رک “منه قهوه حاضیرلایا بیلرسن می” دئدی. نه جواب وئردیییمی خاطیرلایا بیلمیرم. دونوب قالمیشدیم و نه دئدییینی آنلایا بیلمیردیم. ساکیتجه گولومسه‌یه‌رک “‌لوطفا، عاغیللی اوغلان اول، گئت منه قهوه گتیر” – دئدی. منده چیخیب قهوه حاضیرلادیم.
قهوه حاضیرلاماغیم او قدرده اوزون چکمه‌دی. او بیری اوتاقدان آناملا جونون قهقهه‌لری ائشیدیلیردی. الیمده فینجان یوخاری قالخدیغیمدا کئرول قاپینی آرخادان باغلاماغیمی ایسته‌دی. سونرا فینجانی آلیب راحات ایچه بیلسین دئیه قالخیب یئرینده اوتوردو. آدیال بئلینه سوروشدو و ممله‌لری آچیقدا قالدی و قهوه‌سینی ایچرکن بیر آز یئللندی. بدنینه توخوندوم، گولومسه‌دی، قهوه‌دن بیر قورتوم آلدی. ممه‌سینین اوجلارینی توتدوم. اوول ظریفجه‌سینه اوخشادیم، سونرا آزجا ‌سیخدیم. الینی باشیما چکدی. اوزومو خفیف اؤپوشله قرق ائله‌دی. من ده اونو اؤپه‌جکدیم، آمما گؤزلرینه ایلیشیب قالدیم. اینینده‌کیلری چیخارماق ایسته‌ینده الیمی ایتله‌دی. کمریمی آچدیغینی حیسس ائتدیم، داها سونرا شالواریمی…نفسی قولاغیمی اوخشاییردی. “یارامازلیق ائدیرسن” دئیه پیچیلداییردی. “سنی اؤزونه گتیرمه‌لییم” دئییردی. تومانیمی اندیریب منیمکیله اویناییردی و منی اؤزومه گتیرمکدن دم ووروردو. او درگیده کی بدنلری، ائدینین بؤیوک قارداشینی خاطیرلاییرام، ووجودوندا دولاشان او زهری… دولاشیب دورور، دولاشیب دورور… اوندان قوپماق ایسته‌دیم، آمما منی داها مؤحکم اؤزونه‌ سیخدی و زهرین تدریجا بوتون بدنیمه یاییلدیغینی حیسس ائله‌دیم. سونرا آنیدن سانکی کیمسه اونو پیچاقلاییبمیش کیمی گلیردی، قریبه سسلر چیخارماغا باشلادی. اونو توتماق ایسته‌دیم، آمما منی ایتله‌ییب آیاغا قالخماغا‌ جهد ائتدی. قاپییا دوغرو گئدرکن سنده‌له‌دی و ایکی قات اولدو. قاپینی آچدی و آغزینی توتاراق قوسماغا باشلادی. توالئتین قاپیسی چیرپیلدی. اینیمی گئیینیب چؤله قاچدیم. آیاق اوجلاریمدا توالئته دوغرو گؤتورولدوم، اؤیودویونو ائشیدیردیم. آرادا اینله‌ییردی. بیر آزدان سس آرتدی، سانکی کیمسه اونو بوغوردو.
آرخامدان آیاق سسلری ائشیدیلیردی، جونون پیلله‌کانلاری قالخدیغینی گؤردوم، آنام دا آرخاسینجا گلیردی. جون “نه باش وئریر” دئیه سوروشدو. چیینیمی چکیب کئرولون خسته‌لندییینی دئدیم. منی کنارا ایتله‌دی و قاپینی یومروقلادی. کئرولون سسی چیخمیردی. جون یئنه قاپینی یومروقلاییب آچماغا‌ جهد ائله‌دی. قاپی کیلیدلی دئییلدی، آمما نسه اونون آچیلماغینا مانع اولوردو. نهایت، بیر تهر قاپینی آرالادیقدا، “آمان، آللهیم!” دئیه اینیلده‌دی. آنام دا جونون چیینی اوزریندن بویلانیب “آمان، یا ربب!” دئدی. کثیف قوسونتو قوخوسو اطرافی بوروموشدو. آنام منه دونوب درحال تعجیلی یاردیم چاغیرماق ‌لازیم اولدوغونو دئدی. سونرا اونلار قاپینی تام آچماغا‌ جهد ائله‌دیلر. یئریمده دونوب قالمیشدیم. آنام اوستومه چیغیردی کی، تئز تعجیلی یاردیم چاغیر!
آغیر-آغیر آشاغی ائندیم. تلسمه‌دیییمین فرقینده دئییلدیلر، باشلاری قاپینی آچماغا قاریشمیشدی. پیلله‌کانلاری ائنرکن اؤز-اؤزومه میزیلدانیردیم: اونون اؤلمه‌سینی ایسته‌میرم، حقیقتا‌ده ایسته‌میردیم اؤلسون. اونو اؤلدورمک ایسته‌مه‌میشدیم، ایسته‌دیییم بو دئییلدی، آمما مجبور ایدیم، دوغرودان دا اونون اؤلمه‌سینی اصلا ایسته‌میردیم. ایسته‌ییردیم باجیم اولسون، بئله‌جه سئویشیب بیر-بیریمیزه عاشیق اولا بیلردیک، آمما اؤلمه‌یینی هئچ ایسته میردیم……

کؤچورن: قدرت ابوالحسنی سهلان

کازوئو ایشی گورو
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

زهر

کنعان حاجی
www.ishiq.net

آذربایجان ادبیات و اینجه‌صنعت سایتی

زهر

کنعان حاجی
www.ishiq.net

آذربایجان ادبیات و اینجه‌صنعت سایتی

زهر

کنعان حاجی
www.ishiq.net

آذربایجان ادبیات و اینجه‌صنعت سایتی