چئویرن: ایشیق
ترجمه: ایشیق
ایشیق

akbar rezai_2
دیلیم
اکبر رضایی

شیرین سَس سن، شیرین سؤزسن
منه آهسته لای لای چال!
گرایلیم سان، بایاتیم سان
منه آهسته لای لای چال!

منه قوشما، غزل سنسن
منه ایلکین، ازل سنسن
گؤزه‌للردن گؤزه ل، سنسن
منه آهسته لای لای چال!

گوموش تک آغ جامال سنسن
قیزیلدان بول خارال سنسن
خومار گؤزلوم مارال سنسن
منه آهسته لای لای چال!

منه آرامش جان‌سان
داماریمدا قیزیل قان‌سان
منیم فخریم، منه شان‌سان
منه آهسته لای لای چال!

دده‌م “قورقود” و “بابک” سن
منه “ستار” کیمی تک سن
بیزه گوجسن و بیرلیک سن
منه آهسته لای لای چال!

“فضولی”‌م سن، “نسیمی”‌م سن
و “خاقانی”م ، “حبیبی”م سن
خدادان سن نصیبیم سن
منه آهسته لای لای چال!

منیم اؤلکه‌م ، ائلیم سنسن
منیم آرخام، بئلیم سنسن
منیم دادلی دیلیم سنسن
منه آهسته لای لای چال!
۱۵/۴/۹۳

 

چاپ

یک پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

دیلیم / اکبر رضایی

ایشیق
www.ishiq.net

آذربایجان ادبیات و اینجه‌صنعت سایتی

دیلیم / اکبر رضایی

ایشیق
www.ishiq.net

آذربایجان ادبیات و اینجه‌صنعت سایتی

دیلیم / اکبر رضایی

ایشیق
www.ishiq.net

آذربایجان ادبیات و اینجه‌صنعت سایتی