جوما ائرته‌سینده‌کی…
شریفه جعفری
-اوره‌یی‌نین سسینی دینله!- دئدیلر
دوغرو یولا گؤتورور سنی؛
دوشدوم آرخاسینا
سنده بولدوم اؤزومو
و جوما ائرته‌سینده‌کی قیپ-قیرمیزی چیلپاق دویغولاردا.
گئدیش او گئدیش…
شعیرلر یازیلدی اوندان سونرا
کیملر اؤزونه آلدی
کیملر فیکیره دالدی؛
حالا اؤزله‌ییرم سنی و جوما ائرته‌سی‌لری
آمما قلبیمین سسینه بوراخمیرام داها اؤزومو،
هر بوراخدیغیمدا ساعاتلارجا
غورور قیریخلاریمی توپلادیم چونکی…
یا بو سؤز یالانمیش،
یادا منیم اوره‌ییم او جوما ائرته‌سیندن بری سرخوش.
