چئویرن: ائلدار موغانلی
ترجمه: ائلدار موغانلی
ائلدار موغانلی

یاریمچیق سؤز/ ائلدار موغانلی
اوستاد “حبیب ساهر”ین نیسگیللی اؤلومونو دوشونرکن

 

کؤلگه‌لر سریلیب شه‌هرین اوستونه
اوره‌یی ایرینلی، گؤزو کینلی
نفسینده ظولمت قوخوسو
سسینده گئجه قورخوسو …
قینیندا گیزله نیب سایریشان اولدوزلار
آیین جانیندا قیزدیرما وار…

کؤلگه‌لر سریلیب شه‌هرین اوستونه
کوچه‌لرین سینه‌سینده دؤیونور  دیسکینتی‌لر
ائولرین اوستونه یاغیر تنهالیق
پنجره لرده تور قورور هؤرومجک‌لر،
مورگوله‌ییر شه‌هر …
کؤلگه لی دیر زامان، گؤی، یئر؛
دووارلار آرخاسیندا
چیلپاق قالمیش آرزی کیتابینی
واراقلاییر شاعر؛
کؤلگه‌لی دیر کیتاب ‌دا، واراق دا، اوتاق دا …

کؤلگه‌لر سریلیب شه‌هرین اوستونه ….
اوره یینده یاز یاغیشی نین هاواسی
باخیشیندا سئوگیلی‌لر پیچیلتیسی
گوموشو ساچلاریندا
دولاشارکن آیریلیق نسیمی
“من بو جهانه سیغمازام”- دئیه
قانادلانیر سحره دوغرو …
دالغاسیز بایراق کیمی
آسیلی قالیر ائیواندان
بارماقلاری دویونلو
گؤزلری سحرین پنجره سینه تیکیلی
آغزی آچیق
سؤزو یاریمچیق؛
بوغازیندا دویونله‌نن “آه” سؤزومو
یوخسا ” آ ز ا . . .” ؟

آذر – ۱۳۷۶ – تهران

 

آذر آیی- ۱۳۷۶ – تهران

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

یاریمچیق سؤز/ ائلدار موغانلی

ائلدار موغانلی
www.ishiq.net

آذربایجان ادبیات و اینجه‌صنعت سایتی

یاریمچیق سؤز/ ائلدار موغانلی

ائلدار موغانلی
www.ishiq.net

آذربایجان ادبیات و اینجه‌صنعت سایتی

یاریمچیق سؤز/ ائلدار موغانلی

ائلدار موغانلی
www.ishiq.net

آذربایجان ادبیات و اینجه‌صنعت سایتی