چئویرن: ایشیق
ترجمه: ایشیق
ایشیق

sumeyye yolgunlu
آیاق یالین
سمیه یولغونلو

آیاق یالین بیر گئجه!
شیطانین باشماغی, سوخولور گؤزلریمین آیاغینا!
دینسیز- دینسیز گزیر اوره‌یینین کوچه‌لرین!
آدیم- آدیم کؤورلدیر ازدیگی توپراغی!
آلو- آلو قیزدیریر عشقین اوجاغین!
پاققیلدادییب, قاینادیر محبت چاناغین!
کیلو- کیلو اؤلچور جوشولان عشقین عوصیانین!
اوووج- اووج ایچیر دوم دورو دویغولاری!
قارین- قارین قوسور قابینا!
کؤورلن اوریینده کی قوخو ایندی عوصیان ایزیدیر!
گؤزلریم ائرمنی‌دیر سانکی,
اوره‌یین قاراباغ!
قاریش- قاریش آیاقلیر, دامار- دامار سئوگینی!
آلوو- آلوو تالانلیر تانرینی جهنمه!
تاریخ- تاریخ استیعمار ائدیر دوشونجه‌نی!
……
……
شیطان باشماقلارینین آرخاسیندان,
گؤزلریم اوره‌یینله,
دوداق- دوداق اوپوشوبسه ده بئله, نفس- نفس بوغوور نفسینی!
دیلیم قولاقلارینی شیرین- شیرین تومارلاسا دا بئله,
سؤزوم کلمه- کلمه دوغرور جییه‌رینی!
سیخیر ایندی گؤزلریمی!
هوس باشماغین دارلیغی!
بو گئجه باغیشلاسا اوره‌یین گؤزلریمی!
صاباح یئتیشرکن آیاق یالین ایشیغین آلاجام,
گؤزلریمین!
آیاق یالین جنته دوغرو,
سهمان- سهمان اوره‌یین سویویارکن,
یئیین- یئیین سوندورجم باخیشلاریمی!
۱۸/۱۲/۹۲

 

چاپ

3 پاسخ

  1. منجه بیر تورک شاعیری اگر ائرمنی کلمه سین اؤز شعرینده یازیر ساده جه ائرمنینی کفر ائتمک ایچون یازماسی لازیمدیر زیرا هئچ بیر ائرمنی بیز تورکلری اؤز ادبیاتینین ایچینه سوخماز.بیرده (کؤورلن)نه آنلاما گلدیینی آنلامادیم.

  2. یازیچی ، ها بئله شاعیر صولحه دوغرو سسلرینی آچمالیدیر ، اولسون کی بو گون هر بیر آذربایجانلی منطیق سیز یارانان بیر دالغایا ( موجه ) مینمه کله اؤزونو بیرینجی آذربایجان سئوه ر و تورک بالاسی گؤستریر .
    ……………………………………………………………………………………………………………..
    سمیه خانم مکرر سؤزلرله شعیره آهنگ یاراتماق قصدینده اولموش ، و شیطان باشماق گؤزلرینی ائرمنی خالغینا بنزه تمه کله آذربایجانلیلاری مجبوریت له اؤزونه مخاطیب قرار وئرمیش . انجاق اؤزونو تاریخ محکمه سی قارشیسندا متهم سایاق گؤز اؤنونده قؤیموش !!!…..

  3. اورگینیز تزه ایلده حضورلا دولو اولسون. گؤزل چوخ گؤزل
    بوغوور نفسینی! بوغور یازساز داها سؤزوم یوخدور.
    ایشیقین فیسبوکوندان بو شیرین سوزلری اوخوماق اولمور ،ساده جه بیر لینک اولارکن.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

آیاق یالین / سمیه یولغونلو

ایشیق
www.ishiq.net

آذربایجان ادبیات و اینجه‌صنعت سایتی

آیاق یالین / سمیه یولغونلو

ایشیق
www.ishiq.net

آذربایجان ادبیات و اینجه‌صنعت سایتی

آیاق یالین / سمیه یولغونلو

ایشیق
www.ishiq.net

آذربایجان ادبیات و اینجه‌صنعت سایتی