چئویرن: فریبا مرتضایی
ترجمه: فریبا مرتضایی
فریبا مرتضایی

دونیا قادین‌لار گونو موبارک اولسون
fariba_2
قیسا شعرلر(۲)
فریبا مرتضایی

(۱)
کئچدی او زامان لار:
-گیزلن پالانج اوینادیغیمیز آن‌لار-
ائله ایتمه‌میشیک
تاپیلاق بیر داها.
(۲)
قیشین اورتاسیندا باهار گَلمیش
اینتیظار چَکن باخیشلاریمی
چیمن گؤزلرینده گزدیره‌جه‌یم.
(۳)
سورمه‌لی گؤزلرین
یوخلوغوما یاس توتوب
ائله سانیرام…
دئدیلر بو قره او قره‌دن دئییل!
یازیق سنی یاهالمیسان
گؤزل‌له‌شیب یار گلیر.
(۴)
بیر عؤمور
قوناق- باجی اوینادیم
هئچ بیلمه‌دیم
کیمین گؤزونده باجی‌ایدیم
کیمین دیلینده آجی.
(۵)
سن یوخسان
یاناقلاریمین قیریشیندان
آجی بیر چای آخیر
بیر قندیله
آغزیمین دادین آلدادیرام
بو آجینی
شیرین-شیرین باشا چکیرم
بو منیم اوره‌ک یازیمدیر
منی شیرین چاغیر.
(۶)
کیچیلیرم… کیچیلیرم
آنامین بلله‌لری بویدا
ایلک مکتب دویغولاریما
قاییدان زامان.
(۷)
دویغولاریمی  تومارلا
خیالیمین بویوندان کئچ
عرضیم  بو  قده‌ر.

 

چاپ

7 پاسخ

  1. سلاملار. دئمه لییز کی بو دویغولو و آنلام لی سؤزلر سیزین قیسا شعرلرینیزینده، اوخویوجولارین ذیهینلرینده قالیجی بیر ایز بوراخیب و بوراخاجاقدیر. هر زامان یازیلارینیزین داوامینی آرزو ائتمکده ییز.اوغولار سیزه.

  2. حؤرمتلی خانیم مرتضایی قیسا شعر یازماق چوخ چتین دیر سیز بو چتینی نه قده ر گؤزل درین دویغو دولو شکیلده راحات یازمیسیز چوخ سئودیم تشککور ائدیرم . ایشیق سایتین امکداشلارین اللرینه ساغلیق پایلاشدیغلاری ایچین و ایل بایرامیز مو بارک اولسون .سایغیلار

  3. عزیز و مؤحترم خانیم مرتضایی اللریز آغریماسین لذت اپاردیم بو آز اؤز و مؤحتشم شعر لریزدن سونسوز تشککورلر ایشق امکداشلارینا بو گؤزل قیسا شعر لری بیزلرینن پایلاشدیغلاری اوچون وار اولون .

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

قیسا شعرلر(۲) / فریبا مرتضایی

فریبا مرتضایی
www.ishiq.net

آذربایجان ادبیات و اینجه‌صنعت سایتی

قیسا شعرلر(۲) / فریبا مرتضایی

فریبا مرتضایی
www.ishiq.net

آذربایجان ادبیات و اینجه‌صنعت سایتی

قیسا شعرلر(۲) / فریبا مرتضایی

فریبا مرتضایی
www.ishiq.net

آذربایجان ادبیات و اینجه‌صنعت سایتی