یانغین / ممد قاضی(سمندر)
گئجه،
قارانلیقدا بیر هارای گلدی:
– یانغین! یانغین!
هئچ کس دانیشمادی،
هئچ کس دینمه‌دی.
تکچه
داغین یارالی کؤکسوندن
بیر هارای قوپدو:
یانغین! یا ن غ ی ن!!
شهر آجی سکوت ایچینده یاندی،
یانیب، کوله دؤندو.
سحر ایشیقلانارکن
گونش قانلی ساچلارین
شهرین کوللرینه سرمیشدی.
یک پاسخ
###
سن گئدلی
گؤزوم گزدی هر بیر یانی
هر نه، هر کیم اؤز یئرینده
سنی گزن گؤزلریم ده.
بو آرادا گؤرونمه ین_
تکی بیرسن،
بیرده منیم اوره ییمدیر.