هارداسا …
عدالت امی(دومان)
هارداسا بیر گئجه آی دوغمایاجاق
اولدوزلار سؤنه‌جک داریخاجاقسان.
گئجن اوزاناجاق حسرتیم سایاق
آن ایله دؤنه‌جک داریخاجاقسان
دونیاندا الین تک سویویاجاقدیر
چئوره‌نی قارانلیق بویویاجاقدیر
خاطیره‌م گؤزونده اویویاجاقدیر
قلبینده دینه‌جک داریخاجاقسان
یوخومو گؤرورم دئیه مین کره
اضطراب ایچینده باتارسان تره
باخ اوندا دومان تک گؤیلردن یئره
عنادین یئنه‌جک داریخاجاقسان
یک پاسخ
sag osun duman gardashimiz . guzel sheirdi