چئویرن: علی تقی‌زاده لاریجان
ترجمه: علی تقی‌زاده لاریجان
علی تقی‌زاده لاریجان

tagizade
تک‌لیگیم
علی تقی‌زاده لاریجان

گاه بئزیرم بو شهردن

تک‌لیگ اوچون تله‌سیرم

اوزاقلاشیم دئیه بوردان

ساعاتلارلا یول کسیرم

قاچیرام کی منی بوغان

فیکیرلری بیربیر بوغام

خیالیمین اوزاقلارا

چوزه‌لنمیش ایپین ییغام

گورورسن کی سسیم گلیر

آینالیدان، خان آرازدان

یورغون روحوم اورالاردا

دینجین آلیر چوخدان، آزدان

اوره‌گیمین سیخنتی‌سین

بیر دره‌ده آزدیریرام

هر دردیمین کدریمین

قبرین اوردا قازدیریرام

اومید هوپور اوره‌گیمه

روحوم یئنه فرحلنیر

او کؤهنه ماهنی دئمیشکن:

“دویغولاریم دیله گلیر”

ائله حالدا بیردن بیره

سندن اؤترو داریخیرام

خوش آنلاری سنله بیرگه

بولوشمه‌یه قاریخیرام…

من گئدیرم سویله‌ینده

خوش قارشیلا ایسته‌گیمی

ساغ گئت سالامات گل دئییب

الده ساخلا اوره‌گیمی

امین اول کی  بو سفرده

خوش آنلارا چاتا بیلسم

داریخاجام سنین اوچون

داریخمامی آتا بیلسم

کرج  ۱۳۸۹ پاییز

چاپ

یک پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

تک‌لیگیم/ علی تقی‌زاده لاریجان

علی تقی‌زاده لاریجان
www.ishiq.net

آذربایجان ادبیات و اینجه‌صنعت سایتی

تک‌لیگیم/ علی تقی‌زاده لاریجان

علی تقی‌زاده لاریجان
www.ishiq.net

آذربایجان ادبیات و اینجه‌صنعت سایتی

تک‌لیگیم/ علی تقی‌زاده لاریجان

علی تقی‌زاده لاریجان
www.ishiq.net

آذربایجان ادبیات و اینجه‌صنعت سایتی