چئویرن: غلامرضا مجدفر
ترجمه: غلامرضا مجدفر
غلامرضا مجدفر
00:00
00:00

 کئچدی باهار- ی عؤمروموز، ایت کوره‌دن کئچن کیمین

گئن کوره‌دن هاساند اولار، دار کوره‌دن کئچن کیمین

بئل بوکولوب، قوُلاق باتیب، گؤز ده دوشوبدو چوُققورا

کوند اوراغیله خسته‌جان، گونده بیچین بیچن کیمین

دیشی دوشن قاری- قوجا، انگی‌ده توُتموری غذا

سن‌کی حالین بیلنمه‌سن، دیشلی یئییب، ایچن کیمین

ایپ قیریلیب، نه‌جان چیخیر، جان ییغیشیب بوغازینا

داس- ی اجل ده کسمیری، دوغرور دوگون آچان کیمین

بال و پرین یولوب فلک، یوخدو توان- ی پروازی

نه دوشورو دوشن کیمی، نه اوُچورو اوُچان کیمین

بیر بئله دردلی کیمسه‌نین دردینی هاممی آنلاماز

دار دیبینه دوشن بیلر، بندی آچیب، قاچان کیمین

جوخه تیره باغلانان، یاخشی قانار تیرین دادین

قلبینه گوللـه‌لر دگیب، قیرمیزی گول ساچان کیمین

جامده زهر شوکران، راه نجات باغلانیب

واخت قوُتاریب، چاتیب زامان، مجبور اولوب ایچن کیمین

یوک- یاپی باغلا کاروان، ایندیجه سسلنر جرس

یئیلاقی ترک ائدیب کؤچک، ائل اوبادان کؤچن کیمین

ای کی بوُ نازلی دونیادا، نعمت ایچینده اوینوسان

سئچمگه مایل اولما چوخ، سئچملینی سئچن کیمین

چاپ

یک پاسخ

دیدگاهتان را بنویسید

نشانی ایمیل شما منتشر نخواهد شد.

کئچدی باهار- ی عؤمروموز

غلامرضا مجدفر
www.ishiq.net

آذربایجان ادبیات و اینجه‌صنعت سایتی

کئچدی باهار- ی عؤمروموز

غلامرضا مجدفر
www.ishiq.net

آذربایجان ادبیات و اینجه‌صنعت سایتی

کئچدی باهار- ی عؤمروموز

غلامرضا مجدفر
www.ishiq.net

آذربایجان ادبیات و اینجه‌صنعت سایتی