دارا چکیلیر کیپریکللریمده زیلیق
آیاقی تورپاقلی یئرآلتی قانلی قاریشقالار سو داشییر چیمیریمه
سایسیز قاریشقالار
تایسیز کیپریکلریمی یویوب
داراییر.
اوشویور اوتاقدا پول کیمی شومینه
یانیر چؤلده قار اوستونده گؤودم
قاریشقالار ایله هوپوروق یئر آلتینا
یاتیرام
قارغاشالی
آغ- قارالی یوخو
آداملار
خورالی سؤزلر
هیجا- هیجا دوماندا
منده
سنده
بیزده
باغیرتیم فروغ
اویانتیم اوچوش.
شرح:
چیمیر: ۱-مورگو، ۲- چیممک، یویونما
قارغاشا: قالابالیق، ایزدیهام
