قارلی داغدا
سیقاری داغلاری دومانلاندیرا،
قایا دیبی
داش دیبی
هنیرتی سسیمیز یوکسله قوللـهلره داغچیلار تک؛
چییناغیندا شاراب داشییا قار اوستونده شوشه اوشوگن گؤودهمه
سوزدوره گؤودمدن شارابی
ایچیب آچیلاق گؤزوموز چؤککلرده بولاق اولا.
ایلدیریم چاخا دؤشلریمین داماری
یاغیز آغزیایله امه دؤشلریمدن آغیز.
کاسام آیا
آیامام ساریلی
یئرین گؤیون نبضی ذوققلولداییر زولاغیندا
سوروتلهنم سئویشمهیه چاخینتیسیندان
سئویشمهمیز یانکیلانا ائنیشلره، دیکلره
ائنه
قالخا
ائنه
قالخا
او قدهر کی
پاریلداییب
یانارداغلاشیب پوسکوره قیزیشمیشلیغیمیزین اریمهسینی.
شرح:
-چؤکک: چوخور یئر
-یاغیز: دورو، ایگید، اسمر
-آغیز: یئنی دوغورموش ممهلیلرین ایلک سودو.
-آیا: الین بارماق دیبلریله بیلک آراسینداکی ایچ بؤلومو، اوووج ایچی.
-آیاما: تاخما آد.
-یانکی: سسین بیر یئره چارپیب گئری دؤنمهسییله دویولان ایکینجی سس. اکو، عکسصدا.
