ساواشدان دانیشیرلار
سونوجسوز سازیشلردن
نیشانسیز راکئتلردن
و غئیر عامل پدافندلرین قورخولو سسیندن.
سانکی آیریلیق چکمهییبلر
یوخلوغونو حیس ائتمهییبلر
و جانلاری باخیشیندان تیترهمهییب
گونده مین دفعه سنی خاطیرلاتماییبلار
بیلسینلر کی یایغی نهدیر
گئجهلر اورهکلری سیخیلماییب
بیلسینلر اؤلوم نهدیر.
آمان سئوگیدن
اوْ جان دوشمنى
کی گونده اؤلدورور
نه آتشکس وار
و نه صولح ….
نه آتوْم سیلاحی وار
و نه مودافیعه سیستمی
«تکجه سئویرسن و دؤیوشورسن!»
