دویودا قووشاق
چیله‌نک سو کیمی سیبری‌یه
دونسون، دوندورولسون، گؤوده‌میز، دوداغیمیز، حوجئیره‌لریمیز
سیجاق گؤوده‌میزین گونشی دوشسون سیجاق بوزلارا
چاتلاسین هؤرومچک بوزلار یئر کوره‌سی‌نین باغرینا
هوپسون سیجاق سو،
سئوگی،
بیز
تورپاغین باغرینا.
جنوب‌دان گونش گلیر
منی سئومک ایسته‌ییر
منله سئویشمک ایسته‌ییر
هله یولچودور
هله سینیرلی‌دیر
منی قیسقانما
قیناما جنوب گونشی
سئوگی آندی
توبه‌نی
قیرماسایدی
کسمه‌سیدی
سنی سئویب
سئویشردیم
.
.
.
اؤزگه«ده ماری»نین گؤزلری «کامو»نون سیگارینی یاندیریر.