دولاشیر ایلدیریم دامارلاریمیز بیربیرینه
پلمه‌لر اَپریم سریلیر گؤوده‌میزه
گولوشلریمیز کؤرپه گولوشو کیمی
گؤزلری پارلاق
گیله‌سی شار
وورور دیشاری
غم‌دن یوخسون
اؤفکه‌دن یوخسون
گولوشلریمیزین دیشلری دنیزده بالیق قولاقلارینی قیسقاندیریر
هورکودور
قالیر
قالیر آچیق
ایلیشیب سانجیلیب تاخینیب بیر سانجاق کیمی گؤزلریمیز، گولوشلریمیز بیربیرینه
دویوروق بیر گؤز هیم ایله
بیر دوداق جیم ایله
یاتیب گولوشلریمیزده ساخسی قند قابی
قاپالی ایکن ده شیرین
آچیق ایکن ده شیرین
سسلی ایکن ده شیرین
آکاسیالاری‌نین گوللری‌نین عطری ساچیر شهرین کوچه‌نین باغرینا، اوره‌یینه
سئویم‌سرلییه یئریکله‌دیر، دویدورور
دوزولور مونجوق مونجوق آداملار
ایلغیم گولوشلریمیزه
یئته بیلمیرلر
توتا بیلمیرلر
دوداقلاریمیزین قیریشلاری‌نین لای سایلاری
گولوشلریمیزین یوخسولون اورک‌دن پول سایار
کیمی توپور جکلی، ایچدن
دویور کیشنر آج آت سئوگیمیز
