چئویرن: دنیز موغان‌ سارای
ترجمه: دنیز موغان‌ سارای
دنیز موغان‌ سارای

کولک‌لی
سازاق‌لی
قارلی گئجه‌ده
توتور ایتی سانجیسی آنامین،
دوغولورام
اولورام
آتامین، آنامین
ایلکی
تَکی.

آغلایانی
یاتمایانی
بلکه ایندی ده یاشانتی‌لاردان ایسلانان گؤزلریمی سرمه‌دن قورودان قادینام!

بوکور سیجاقلی زاهی یورغانی‌یلا قوخوسونا آنام منی
بلکه ایندی ده آنامین منه هدیه وئردییی زاهی یورغانی‌نین قوخوسوندان، یوخوسوندان دویمورام،
هر دجل‌لیک ده
نادینجلیک ده
سالیر آنام صدف دیشلریندن ساعات قوللاریما،
آنا یاشانتی‌لاردان آغارتدین ساچلارینی صدف دیشلرین کیمی!

آتامین آلدیغی سی‌دی کاسئت‌لرینی
سسلندیریرم
قالدیریرام گؤی اوزونه
«نازپری»‌نین، «گونئل»ین ماهنیسینی
دانس ائدیرم
بوی آتیرام
آتامین قولتوغونون قوخوسونو جانیما چکه – چکه.

سئوگی
سئوگی
سئوگی
گلنده
قالدی اوره‌ییمده تیکه،
سو یئرینه
گؤز یاشی تؤکدوم
گزدیم سن کارکتئرده اولان بیرینی؛

نه بیلیم بلکه ده آنام دوغرو دئییرمیش
-آلنین بؤیوکدور
بختین ده اوزون اولاجاق-
گولردیم
اینانمازدیم
ایناندیم
آندیم.

اویناییرام یولداشیملا
قارداشیم‌لا
اودلا
سوی‌لا
بوروق – بوروق
نیفیس دولو
دره‌ده،
کوچه‌میزی
دامیر سول آیاغیما نایلون ایزریقی،
سو تؤکورم
گولورم
بلکه ده ایللر بویو یانیقلی سول یانیما سو یئرینه دوزلو گؤز یاشی تؤکدوم
یانیغین ایزی درینه گئتدی
کیمسه دویمادی
کیمسه بیلمه‌دی!
گزیرم سوروجوم‌له
کوچه‌نی
بازاری
قیسا ساچیملا
بویوم‌لا.

«تیمورپور بازارچاسی»نین اؤنونده اولان الچی‌دن لاک آلیرام
بلکه ده بو شهرده سون سئوگینی
سون ویردیغیم لاکی
سون توتدوغوم دیرناغلاریمی
اوووب تؤکدوم
توتوب تؤکدوم
گوله – گوله
سئوگی دولو
سئوینج دولو
اوره‌ک دولو
آتامین سیقارئت کول قابی‌سینا!!

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

یاشام قوخوسو

دنیز موغان‌ سارای
www.ishiq.net

آذربایجان ادبیات و اینجه‌صنعت سایتی

یاشام قوخوسو

دنیز موغان‌ سارای
www.ishiq.net

آذربایجان ادبیات و اینجه‌صنعت سایتی

یاشام قوخوسو

دنیز موغان‌ سارای
www.ishiq.net

آذربایجان ادبیات و اینجه‌صنعت سایتی