سنی اوچ گوندی آغاجلار اولاییر دَهره باجی
و… آغاجلاردا یاماجلار اولاییر دَهره باجی
کئش گئدیبلر باشیمی مندن
اوزاقدا چیغیریر
بو یاخینلیقدا، سنی آلمالاییر دَهره باجی
باخیشیندا
قانیمی دَمله‌میشم، تورپاقلی
و لئشیم
اللرینی آرپالاییر دَهره باجی
ای سوسن فیرتینالیم، دالغالی، جانلیم آی هئییی
بو منم: ساچلارینی آلچالاییر دَهره باجی
اوینا بیر تامزارا* بو پلمه‌لری دیسگیندیر
جسدیمدیر گؤزونو قارقالاییر دَهره باجی
…و بو یول کلمه‌لر آغلاردی آغیز پامبیقلی
بو مزاریمدی منی
بالتالاییر دَهره باجی
۷ مین ۷ یوز آتمیش قارا – قانلیق- قانچیل
دوداقیندا
گیلانار بوغدالاییر دَهره باجی
یئریشینده، دلیجه تانریلار آللاهسیزدی
گولوشونده، قایالار
داملالاییر دَهره باجی..
۱۳۹۰/۱/۱۳
