اولای دولو بیر کینو گؤرونتوسودور
قیرمیزی ایشیق آرخاسیندا
دیله‌نن قادین؛
کوره‌یینده
شارابی شالی‌لا
شله‌لنمیش شافاق.
دونوق بیر قیش آخشامی
یاغیر لوپا-لوپا قار
یوبانمیش یئنه ده یارالی باهار.
کینو بئله‌جه باشلامیشدی
ایکی کاراکتئری وار ایدی
بو ایکی پرده‌لی پیئسین،
نه «هالیوود» کینوسونا بنزه‌ییردی
نه ده «بالیوود».
بوغازیمی ساریر بوغاناق
باخیش بوجاغیم آلیشیر
چؤکموش دومان قوجاغینا
سیغینیب
آغلایاراق
خیخیرام؛
لاپ بئله‌جه
اوره‌ییمین آخیرینا چیخیرام.
ایشیق اکیلیر
پرده چکیلیر.
قیش۱۴۰۱موغان
