چئویرن: سحر خیاوی
ترجمه: سحر خیاوی
سحر خیاوی

تیتره‌ییردی اوره‌ییم دان یئلی‌نین سیزناغی تک
وئران اولموش شَهَرین شاختا قووورموش باغی تک
هفته‌لر، آی‌لار، آنان سندن اؤتور یاتمادی کی
سارالیب، سولدو خزان وورموش آغاج یارپاغی تک
یادیما دوشدون هر آن سوفره‌‌دن ال چکدیم اوغول
ایچدیگیم بیر ایکی قورتوم سو دا اولدو آغی تک
بیلمه‌دیم نئیله‌میشیدین سنی قانداللادیلار؟!
چکدیلر اؤیله گئدر- گلمزه «کافر»، «یاغی» تک!!
اؤلموشم من، ننه‌ن اؤلسون، ائشیدندن خبرین
کؤلگه- کؤلگه گزیرم اؤیله آغیر، دوز داغی تک
قاندالین حالقالارین کئشکه وئره جلّادلار
آپارام گلینیمیزه سان کی قیزیل قولباغی تک
قیناما، ایتدی باشیم، هه یئنه سارساغلاییرام
عاغلیمی یئللر آپاردی، گزیرم بیر واغی تک
قتلینه قول چکه‌نین قوللاری کؤکدن قوروسون
آناسی کؤکسونه دوشسون آنانین گور داغی تک
صوبحلر دیکسینیرم بئشده دار اوسته گئدیرم
قیی چکیب سیزلاییرام لوولو آذانلار چاغی تک

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

لوولو آذانلار (اوره‌یی داغلی آنالارا)

سحر خیاوی
www.ishiq.net

آذربایجان ادبیات و اینجه‌صنعت سایتی

لوولو آذانلار (اوره‌یی داغلی آنالارا)

سحر خیاوی
www.ishiq.net

آذربایجان ادبیات و اینجه‌صنعت سایتی

لوولو آذانلار (اوره‌یی داغلی آنالارا)

سحر خیاوی
www.ishiq.net

آذربایجان ادبیات و اینجه‌صنعت سایتی