نه چوبان وار، نه‌ده سورو!
چؤلده نئی‌یه داریخیرام.
قایالاردا قارتال اوچمور
باتان قیی‌یا داریخیرام.

ندیر چارا، ندیر علاج؟
اونا مُحتاج، بونا مُحتاج!
بار الهی قانادیم آچ
یئردن گؤیه داریخیرام،

آی داریخیب یاس توتانلار،
نه تاپیب دیر داریخانلار!
داریخمایین آی انسانلار-
دئیه- دئیه داریخیرام.

زامان دئمه! کوهلن آتدی،
توزوندا آرزولار ایتدی،
او گؤروشدن ایللر اؤتدو
سورما نییه داریخیرام.

بیزیم بو یئر ائله یئردی،
ثانییه سی یاغیر دردی،
داریخماماق بیر هنردی-
بوردا آیه… داریخیرام.