ترسه‌یم
گؤزلریمله یئریییرم
آیاقلاریملا باخیرام
آغزیملا دوشونور‌م
بئینیمله یئییرم…
دییشییه‌م
گئدیر‌م قاییتماق یئرینه
قاییدیرام، گئتمک یئرینه
اولماماقدا وارام من
یوخام، اولماق چاغیندا
ایره‌لی‌ده گئری‌یم
گئری‌ده، ایره‌لی‌یم
ال گره‌یینده آغیزام
آغیز گره‌یینده، الم
باش – آیاغام
کوسگوده باریشام
باریشدا کوسگون
قهرلی‌یم یاخیندا
اوزاقدا سئویملی‌یم…
ترسه‌یم
نه بیلیم؟
بلکه دونیا ترسه‌دیر….
