تکجه گول اومما گولشندن،
هم گولو وار، هم خاری وار!
نه سن دئین، نه من دئین،
دونیانین اؤز آخاری وار.

زورونا چوخ گوونمه سن!
چوخلاری سؤیله‌دی من- من؛
شاه‌لار گؤردوک تختدن ائنن،
آشاغی وار، یوخاری وار.

بیری سرخوش، بیری پکر،
بیری ناحاقدان قان تؤکر؛
بیری ده ائل دردین چکر،
هره‌نین بیر چیخاری وار.

سویا چکمه‌یین جاناماز!
هر چایا دئمزلر آراز؛
هر بیر تپه داغ اولانماز،
داغین آخار- باخاری وار.

تورکچو دئییلم، من تورکم،
«پاسارگاد» دئییلم، «ارک‌»م؛
بد گون آدامی‌یام، برکم،
یوردومون افتخاری وار.
۹/۶/۱۴۰۱ – هریس