لای- لای منیم جئیرانیم،
یات منیم روحوم، جانیم!
آیری دوشمه آناندان،
قویما اودلارا یانیم!
لای- لای گؤزل خانیما،
عشقی گیریب قانیما؛
دونیالارحئیران قالیب
منیم شوخ جئیرانیما.
گؤزومده دولاناندا،
اوره‌ییمده قالاندا؛
دونیانی دَبردیردیم
سنه لای- لای چالاندا.
بئشیگین دیزیم اوسته،
قدم قوی گؤزوم اوسته!
سنه جان قوربان دئدیم،
دورموشام سؤزوم اوسته.
احسن گؤزل گلینه،
گول دوزه‌رم تئلینه.
بالام یاراشیق اولدو
بوتون آذر ائلینه.
دئدیم یولدان گلنه
یولا گول‌لر اَله‌نه.
بالام اوردا دولانا
گؤزل قیزلار به‌یه‌نه.
