بولوت تکین دولویام، گؤزده یاش دولاندیریرام
جانیمدا شیمشک علم‌لی ساواش دولاندیریرام
زمانه اه‌یرینی دوز گؤرسه‌دیر، دوزو اه‌یری
بو ترسه گوزگونو قیرماغه داش دولاندیریرام
بوجاقدا توزلوجا جوت میثلی چیخمیشام یاددان
قولومدا تاختایا دؤنموش تلاش دولاندیریرام
او تاجرم کی توکانی زیان ایله توکه‌نیب
اگرچی قان یاشیم ایله قوماش دولاندیریرام
فراق، یاره‌سینه نییشتر ویران دئییلم
قلم بو باره‌ده اونچون یاواش دولاندیریرام
زمانه زهر ده تؤکسه نه غم کی قلبیمده-
شیرین خیالینی ای چاتما قاش دولاندیریرام
حالیم سوروشما، سوراغیم توتوب آدیم چکمه
بو دردلی گوشه ده آنجاق کی باش دولاندیریرام.
علی صمدی
چئویرن: علی صمدی
ترجمه: علی صمدی
سسلندیرن: علی صمدی
- شعر
- اوخوماق زامانی: < 1 دقیقه
- https://ishiq.net/?p=30856
چاپ
