چئویرن: بختیار نصرت
ترجمه: بختیار نصرت
بختیار نصرت

ائل یاددان چیخارتماز، تاریخ اونوتماز …
بختیار نصرت – (۱۳۱۳ساراب/بافتان کندی – ۲۱ خرداد ۱۳۸۵/ تهران)

 

قیزیل تئللی گون

ای صولحون نور ساچان قیزیل بایراغی
ساچ منیم اؤلکه‌مه قیزیل تئل‌لرین!
ای منیم خالقیمین اومید چیراغی
سئویرم، سئویره گؤزللیک‌لرین.

گونشلی بایراقسان آیلی – اولدوزلو
سن سالان کؤلگه‌ده یاشاییر ائل‌لر.
بوی آتیر قوینوندا هر شیرین سؤزلو
گول آچیر جمالین گؤرنده دیل‌لر.

ایشیقلان، ایشیقلان قیزیل تئللی گون
قوی اینام وئریلسین صاباحکی گونه!
سنین گونشیندیر وارلیق گؤسترن
کؤرپه نسیل‌لرین گله‌جه‌یینه.

ده‌ییشدیر فاشیست‌لر، هیتلرلر عصرین
یارات یئنی گونلر بشریته!
آچ اینجی یارادان دانیشیقلارین
وئر صنعت درسینی انسانیته!

سن باش قالدیراندا قازیلیر قبری-
جنگی سئون ساتقین صهیونیست‌لرین.
توک سالیر آدیندان آزغین فاشیست‌لر،
اود دوشور جانینا شوونیست‌لرین.

تئل‌لرین داراییب پارلایاندا سن
سنگردن سنگره قاچیر یاغی‌لار.
اؤلکه‌لر قوینوندا اوجالاندا سن
اوره‌یین کدری، غمی داغیلار.

سنین زامانیندا گؤزه‌ل گلین‌لر
گووه‌نیر ائلی‌نین سون قدرتینه.
دوغدوغو کؤرپه‌یه لای-لای چالارکن
یوکسلیر کؤنلونون پاک املینه.

سان وئریر اکدییی گؤی سونبوللره
سنین زامانیندا قوجا باغبان‌لار.
باغ‌لار صحنه‌سینده گولور سونبول‌لر
آل ساتین گئیینیر یاماج‌لار، داغ‌لار.
تهران – ۵/۸/۱۳۵۹

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ائل یاددان چیخارتماز…

بختیار نصرت
www.ishiq.net

آذربایجان ادبیات و اینجه‌صنعت سایتی

ائل یاددان چیخارتماز…

بختیار نصرت
www.ishiq.net

آذربایجان ادبیات و اینجه‌صنعت سایتی

ائل یاددان چیخارتماز…

بختیار نصرت
www.ishiq.net

آذربایجان ادبیات و اینجه‌صنعت سایتی