یولداشیم «حسن ایلدیریم»ین عزیز خاطیره‌سینه
چئویرن: عاشیق حسن اسکندری
ترجمه: عاشیق حسن اسکندری
عاشیق حسن اسکندری
00:00
00:00

غم اوستوندن غم‌لر یاغدی؛
حسن گئتدی، حسن گئتدی!
اوره‌ییمی اویان داغ‌دی؛
حسن گئتدی، حسن گئتدی!

دایاق ایدی او اؤلکه‌یه –
حاققیمیزی دییه – دییه؛
ظالیم‌لری ایه – ایه –
حسن گئتدی، حسن گئتدی!

او ائل‌لرین دایاغی‌یدی،
تاریخ‌لرین اوجاغی‌یدی؛
ائشیتدیم سحرچاغی‌یدی-
حسن گئتدی، حسن گئتدی!

او دردلره حکیم ایدی،
دینمه‌ینه حؤکوم ایدی؛
لقمان ایدی یا کیم ایدی؟!
حسن گئتدی، حسن گئتدی!

ائلین دردین آلاردی او،
دومان چنی قوواردی او،
قالما قالی سوواردی او؛
حسن گئتدی، حسن گئتدی!

اوجا بویلوم، گولر اوزلوم،
دینله‌دیکجه شیرین سؤزلوم،
آچیق فیکریم، گؤرن گؤزلوم
حسن گئتدی، حسن گئتدی!

سازیم دینله، دانیشگینان!
غملی اوخو، آلیشگینان!
گؤیدن، یئردن سوروشگینان
حسن گئتدی، حسن گئتدی!

«عاشیق حسن» گئتدی یولداش،
منله، سنله اولان سیرداش؛
دانیشماغدا هامیدان باش
حسن گئتدی، حسن گئتدی!

اشتراک گذاری در print
چاپ
اوخوماق زامانی: < 1 دقیقه
اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
باشقا اثرلری

یولداشیم «حسن ایلدیریم»ین عزیز خاطیره‌سینه

عاشیق حسن اسکندری
www.ishiq.net

آذربایجان ادبیات و اینجه‌صنعت سایتی