چوخ چکمیه‌جک
سحر خیاوی
چوخ چکمیه‌جک آل گونشه یول چکه‌جکلر
سئوگی عَلَمین اودلو دؤشونده اکه‌جکلر
چوخ چکمیه‌جک گولله‌نه‌جک غملی دوداقلار
قیزلار یئنه‌ده داغ- دره‌دن گول بیچه‌جکلر
چوخ چکمیه‌جک خط چکه‌ریک باطیلین اوسته
حاق ساغلیغینا حاققی سئونلر ایچه‌جکلر
چوخداندی آلیب کؤنلوموزو قاره بولودلار
نور یولچولاری، داندا قارانلیق سؤکه‌جکلر
روزگار قانادیلا اوچاجاق آتلی قوچاقلار
یئردن گونَشه بیر تاماشا یول چکه‌جکلر
قارقا تویودور، بیلدیگین ائتسین بو دومانلیق
قارتاللاریمیز گؤیلره آسفالت تؤکه‌جکلر
چوخ چکمیه‌جک آل گونَشه یول چکه‌جکلر
دوستلوق، باریشیق، بوللوغا مین قول چکه‌جکلر
سیل گؤزلرینی کؤنلونو سیخما گؤزو یاشلیم
آغ ائولی‌لره گؤر نئجه طوفان اسه‌جکلر
یک پاسخ
سلام اولسون آقبلاغ دیارینان گوزل شاعیریمیزه .سیزین بو شعریزدن آزادلیخ گوخوسو گلیر .سهند تای چوخ احساسلی بیرشعریدی چوخ چکمیجک دیلیمیزکولتورموز آزاد اولاجاخلار یاشاسین