حسرت رکعتی
محمد احمدی زاده
گؤزلرین
سئوگیمین گؤی مچیدیدی؛
دوداقلارین
اوره‌گیمین قانلی سجاده‌سی.
بویاندی آل قانا
رویالاریمین تؤکؤلمؤش کاشی‌لاری-
گنجلیگین ایلک سجده‌سینده.
آهلاریم حزین- حزین اسیر
کیلکه‌لی میناره‌لرین آراسیندا.
توت الینه یاشلانمیش دوعالاریمی،
دارا دالغالانمیش آرزولاریمی!
قوی تؤکولسونلر سون قونوتدا
خومار گؤزلرینین اوستونه
اوزون بیر عؤمورون
آغارمیش ساچلاری!
