چئویرن: ائلدار موغانلی
ترجمه: ائلدار موغانلی
ائلدار موغانلی

قاش‌لا گؤز آراسیندا
ائلدار موغانلی

قاش‌لا گؤز آراسیندا مورگوله‌نن خاطیره کیمی
قاریشیبسان قانیما؛
یاخینلیغین قده‌ر شیرین
اوزاقلیغین قده‌ر درین.

قاش‌لا گؤز آراسیندا مورگوله‌نن خاطیره کیمی
قاریشیبسان قانیما؛
آخیبسان رؤیالاریمین سوسوزلوغونا،
ایکی دامجی قیزیل گول اولوب
دامیبسان گؤزومون قینینا.
ایستی‌لیگینده اریییر
شفقلی آخشاملاریمین ایلغیمی،
قیزیللیغیندا چورویور
تورانلی سحرلریمین ساریلیق دمی.
یاییلدیقجا جانیما
یاندیریرسان ایللرین آرخاسیندان عؤمور- گون سئودالارینی؛
اویاندیریرسان پاییز آخشاملاریندا ایلک محبت باهارینی.
شیرین- شیرین گؤروشور پیچیلتی‌لار
نغمه-نغمه چیچکله‌نیر ایلک باهار.

قاش‌لا گؤز آراسیندا مورگوله‌نن خاطیره کیمی
قاریشیبسان قانیما؛
یاخینلیغین قده‌ر شیرینسن
اوزاقلیغین قده‌ر درین.
نه آتا بیلیرم
نه باتا بیلیرم.
سن هاراسینداسان بو سئودانین،‌
من هاراسیندا؟!
قالمیشیق قاش‌لا گؤز آراسیندا…

آبان ۱۳۹۷- تهران

چاپ

2 پاسخ

  1. سایین اوستاد ائلدار جناب‌لاری، بو گؤزل شعرینیزی اوخودوغومدا چوخ سئویندیم اونا گؤره کی، سیزدن بیرینجی دؤنه‌دی سئوگیسل سربست بیر شئعیر اوخودوم. چوخ سئودیم، چوخ گؤزل و اورک اوخشایاندیر. وار اولون عزیز تانری سیزی قوروسون. ریجا ائدیرم باشقا سربست شئعیرلرینیزدن پایلاشین اوخویوب فایدالاناق.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

قاش‌لا گؤز آراسیندا / ائلدار موغانلی

ائلدار موغانلی
www.ishiq.net

آذربایجان ادبیات و اینجه‌صنعت سایتی

قاش‌لا گؤز آراسیندا / ائلدار موغانلی

ائلدار موغانلی
www.ishiq.net

آذربایجان ادبیات و اینجه‌صنعت سایتی

قاش‌لا گؤز آراسیندا / ائلدار موغانلی

ائلدار موغانلی
www.ishiq.net

آذربایجان ادبیات و اینجه‌صنعت سایتی