دونیا
احمد درگاهی
بؤیوتدوکجه درده سالدین
کیمه قیلدین وایا دونیا!
وئردیگینی بیربیر آلدین
داها گلمیر سایا دونیا!
سول گؤستریب ووردون ساغی
کؤنلوموزه چکدین داغی
خوره‌ییمیز اولدو آغی
یاخشی قویدون مایا دونیا!
دولاندیقجا اؤزون دوردون
اؤنوموزه قورقو قوردون
سیناقلارلا بیزی یوردون
هرآن باسدین هایا دونیا!
عؤمورکؤرپوسونو گئچدیم
وئردیگین شربتی ایچدیم
اکدیگین تارلانی بیچدیم
دردلر اولدو تایا دونیا!
