چئویرن: ایشیق
ترجمه: ایشیق
ایشیق

داش اوره‌کلیم!
محمدعلی حکمتی

عومرون گونشی باتمادادی گل داش اوره‌کلیم!
عاشیق دیره‌گی یاتمادادی گل داش اوره‌کلیم!
عشقیدن اؤتور جانینی مین درده سالان جان
عشق عالمینی ساتمادادی گل داش اوره‌کلیم!
گل گؤزلریمین سون گؤروشو گؤزلرون اولسون
گؤز قاپ باجا باغلاتمادادی گل داش اوره‌کلیم!
دونیادن اوزوب ال اوره‌گیم تک سنی گؤزلور
گؤیلوم یئنه اویناتمادادی گل داش اوره‌کلیم!
هیجران یئلی اسدیگجه کسیر باغریمی غملر
قلبیم ده منی آتمادادی گل داش اوره‌کلیم!
سیندیردیغین اول چاتلی دیره‌ک دای جانا گلمیش
جانانینه جان قاتمادادی گل داش اوره‌کلیم!
بیر اود قالاییبسان جانیما شعله‌سی سئوگی
سئوگیم منی آغلاتمادادی گل داش اوره‌کلیم!
گل قویما سؤنه سؤنسه من «حکمت» یقین اؤللم
جانیم دوداغا چاتمادادی گل داش اوره‌کلیم!

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

داش اوره‌کلیم! / محمدعلی حکمتی

ایشیق
www.ishiq.net

آذربایجان ادبیات و اینجه‌صنعت سایتی

داش اوره‌کلیم! / محمدعلی حکمتی

ایشیق
www.ishiq.net

آذربایجان ادبیات و اینجه‌صنعت سایتی

داش اوره‌کلیم! / محمدعلی حکمتی

ایشیق
www.ishiq.net

آذربایجان ادبیات و اینجه‌صنعت سایتی