چئویرن: ایشیق
ترجمه: ایشیق
ایشیق

آدین کابوس(آدین قان ۲)
ائلتاش صالیحی

آدیندا بیر کابوس وار
آددیم- آددیم آدلانیر بوغازیمدا
بعضن بیر پنجره‌ دؤنر دوداقلار
سیغماز یالنیزلیق چرچیوه‌سینه،
بعضن بیر پنجره دؤنر دوداقلار
باتار ایچریده ائشیک ‌سسلری،
یاغیشا سؤکنمیش پنجره‌لرده سحر قاناییر؛
سحر
گئجه‌ بیلگینده آدینی دؤیموش
بیلیرسن‌می؟!
سون آغ گؤورچین‌ده اؤلدو ایچیمیزده!!
ایگیرمی دؤرد ائیلمده* قتلین صرف اولور
سحر اؤلدو
سحر اؤله‌جک
سحر اؤلدورلدو
سحر …….. کابوس…….
آدیندا بیر کابوس وار
قارا بایراقلار آسمیش سسیمه*،
گیریلمز یوخولاریمین دروازاسیندا
طاعون سسلنیرسن
کابوس سسلنیرسن
هئچ بیلیرسن‌می سول جئبیمیزی چئینمیش سیچانلار
کئچسنسه کئچدیگیمیز یوللاردان
توپلا موتلولوقلاری
یئلده آیاق ایزلرین وار دئمیشدی‌لر
اوچ
باشیمزا
اوچ

آدین ماهنی‌نی آدلاندیران پارچا دیر بیزده
بعضن آدینی کابوس یازیر بیر شاعیر
بعصن بیریسه قان
بعضن آدیندا بیر عسگر سؤندورور‌ سون سیقارئتین
آتش‌لر آچیلر _ کسیلیر
سسلر آچیلیر قیرمیزی سیلاحلاردان
آدینی
قان
یازیرام
آدیندا بیر کابوس وار

*ائیلم: فعل
*اورتا عصیرلرده طاعون اولان شهرلرین دروازاسیندان قارا بایراق آسارمیشلار، قارابایراق طاعون سیمگه‌سی‌ایمیش

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

آدین کابوس(آدین قان ۲) / ائلتاش صالیحی

ایشیق
www.ishiq.net

آذربایجان ادبیات و اینجه‌صنعت سایتی

آدین کابوس(آدین قان ۲) / ائلتاش صالیحی

ایشیق
www.ishiq.net

آذربایجان ادبیات و اینجه‌صنعت سایتی

آدین کابوس(آدین قان ۲) / ائلتاش صالیحی

ایشیق
www.ishiq.net

آذربایجان ادبیات و اینجه‌صنعت سایتی