چئویرن: ایشیق
ترجمه: ایشیق
ایشیق

hashim-tarlan3«هاشیم ترلان»ین ایتگیسینین اوچونجو ایل دؤنومو(اؤزه‌ل سسلی صحیفه)

آبان آیی‌نین ۲۵ ادبی جمعیتیمیزده میللی و موباریز شاعر سیماسی‌لا تانینان و حیاتی بویو بؤیوک حؤرمت قازانان اونودولماز صنعتکاریمیز اوستاد هاشیم ترلانین آغیر ایتگیسیندن اوچ ایل کئچیر.
هاشیم ترلان، آذربایجانین بؤیوک شاعری صمد ورغونون خئیر دوعاسی ایله شعر دونیاسینا قدم قویدو و ۸۰ ایله یاخین آنادیللی شعرمیزین سئویملی سیماسی کیمی قلم چالدی؛ خالقمیزین ائنیشلی-یوخوشلو تاریخینده، آغلی-قارالی گونلری یاشادی؛ آنجاق توتدوغو شرفلی یولوندان گئری دؤنمه‌دی. شاهلیق اصول-اداره‌سی‌نین قانلی– قادالی گونلرینده بئله وطن سسلی، آزادلیق هوسلی شعرلری ایله، آذربایجانین، ایرانین آزادلیق و عدالت نغمه‌لرینی اؤتدو. شعرمیزین، ادبیاتمیزین، مدنیتمیزین یوکسلیشی و چیچکلنمه‌سی اوغروندا عؤمرونو وئردی؛ دوستاقلاردا بئله اومیدینی، اینامینی ایتیرمه‌دی.
هاشیم ترلان، تکجه ادبی یارادیجیلیقلا دئییل، عینی حالدا ادبی- مدنی اوجاقلارمیزین قورولماسیندا، ادبی محفل‌لرین یارانماسیندادا یاخیندان اشتراک ائتمیشدیر. “شاعرلر مجلسی”‌، “دوستلار گؤروشو” و انقلابدان سونرا “آذربایجان انجومنی”، “آذربایجان یازیچی‌لار و شاعرلر جمعیتی‌” و بوگون ادبیات ساحه‌سینده فعالیت گؤسترن “صابر” و “ساهر” ادبی درنک‌لرینین ایلک قوروجولاریندان و چالیشقان عضولریندن اولموشدور. او بونلارلا کفایتلنمه‌میش، مطبوعات ساحه‌سینده‌ده یورولمادان چالیشمیشدیر. هله ایلک شعرلری “وطن‌یولوندا”، “آذربایجان”، “یئنی‌شرق” و باشقا مطبوعات صحیفه‌لرینده چاپ اولارکن، اونلارین بیر چوخوایله یاخیندان امکداشلیق ائتمیشدیر؛ “بشیر‌آینده”، “بشریت” روزنامه‌لرینین اداره‌سینده فعالیت گؤسترمیشدیر. انقلابدان سونرا بیر چوخ مجله و روزنامه‌لرله یاخین امکداشلیق ائتمیش؛ “یولداش”، “گونش” و “آذری” مجله‌لرینین یازیچیلار هئیتی‌نین عضوو اولموشدور.
هاشیم ترلان مدنیتمیزین، ادبیاتمیزین، بیر سؤزله ملی وارلیغمیزین یوکسلیشی اوغروندا قورولان قورولتایلاردا، ییغینجاقلاردا، ملی شنلیکلرمیزده، آغیرلاما، آنما مراسیملرینده آچیق اوره‌کله بیر آغ ساققال کیمی چیخیش ائتمیشدیر.
هاشیم ترلانین شعرلری سانکی دؤورونون آیناسی‌دیر. اؤلکه‌میزده، دونیادا باش وئره‌ن حادثه‌لر اونون اثرلرینده اؤز عکسینی تاپمیشدیر. دونیا خالقلارینین آزادلیق و عدالت اوغروندا مبارزه‌سی وطنمیزین اجتماعی حیاتی، مقدراتی اونون یارادیجیلیغینین باش موضوعلارینداندیر.
دیرلی شاعرمیزین ایتگیسی خالقمیز و ادبیاتمیز اوچون آغیر اولسادا، آنجاق اینانیریق کی اوندان یادگار قالان اثرلر اوزون ایللر یاشایاجاقدیر.
ایتگیسینین اوچونجو ایل دؤنومونده آرشیویمیزده اولان و خصوصیله شاعر میانالی علیرضانین اختیاریمیزدا قویدوغو سسلی ماتریاللاری بیر اؤزه‌ل صحیفه کیمی سیز عزیز اوخوحولارا تقدیم ائدیریک:

دیلیمی قایتارین منه! / هاشیم ترلان
https://ishiq.net/wp-content/uploads/2016/11/dilimi-qaytarin-mene.wma

 دان اولدوزوم / هاشیم ترلان
https://ishiq.net/wp-content/uploads/2016/11/dan-ulduzum.wma

هاشیم ترلان‌لا مصاحیبه / اودلار یوردو رادیوسو (بیرینجی بؤلوم)
https://ishiq.net/wp-content/uploads/2016/11/musahibe.wma

هاشیم ترلان‌لا مصاحیبه / اودلار یوردو رادیوسو (ایکینجی بؤلوم)
https://ishiq.net/wp-content/uploads/2016/11/musahibe-02.wma

هاشیم ترلان‌ین سؤزلرینه بسته‌لنمیش ماهنی(آراز)/ رافیق ایمرانی
https://ishiq.net/wp-content/uploads/2016/11/mahni.wma

باکی – تبریز / هاشیم ترلان
https://ishiq.net/wp-content/uploads/2016/11/hashim-tarlan-baki-tabriz.lite_.mp3

اوخو شعریم!/ هاشیم ترلان
https://ishiq.net/wp-content/uploads/2016/11/hashim-tarlan-oxu-sheirim.mp3.mp3

 

 

 

 

 

 

 

 

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

«هاشیم ترلان»ین ایتگیسینین اوچونجو ایل دؤنومو(اؤزه‌ل سسلی صحیفه- دینله‌یین!)

ایشیق
www.ishiq.net

آذربایجان ادبیات و اینجه‌صنعت سایتی

«هاشیم ترلان»ین ایتگیسینین اوچونجو ایل دؤنومو(اؤزه‌ل سسلی صحیفه- دینله‌یین!)

ایشیق
www.ishiq.net

آذربایجان ادبیات و اینجه‌صنعت سایتی

«هاشیم ترلان»ین ایتگیسینین اوچونجو ایل دؤنومو(اؤزه‌ل سسلی صحیفه- دینله‌یین!)

ایشیق
www.ishiq.net

آذربایجان ادبیات و اینجه‌صنعت سایتی