چئویرن: ایشیق
ترجمه: ایشیق
ایشیق

alma-muganliاوچوش…
آلما موغانلی

بیر ایکی اوچ
اوچ، اوچ، اوچ
بیریسی اوتورموشدور آیاقلاریمین آلتیندا
باغیریردی
قانادلاندیغیمدا داها دا آلچالیردیم
قادینلیغیم اوچوردو ایچیندن
اوچماق نه‌دیر
دیوارلارین آلچالماسی‌دیر
یوخسا ییخیلماغی
بیریسی ایچیمده اوچماق ایسته‌ییردی
آلچالیردی ایچیمده کی دووارلار
ییخیلیردیم من
اوچوردو شهر آیاقلاریمین آلتیندا
اوچوردوم من دوز شهرین باشیندا
اوچورتما اولموشدو شهر
گؤیدن یئره اوچوردوردوم اینسانلاری
ییخیلیردی ایشیق‌لار
آلچالیردی دووارلار
و دووارلار دالینداکی شهر گؤرسه‌نیردی
دووارلار آلتینداکی یاشام اوچوردو
اوشاقلار باشماقسیز ییخیلیردیلار گؤیده
آتالار باشماق اللرینده اوچوردولار یئرده
ایچیمده بیریسی اوچورومدا اوچوردوردو اؤزونو
بیریسی باشینی دایامیشدی پنجره‌یه
قوشلارین ییخیلماسینی ایزله‌ییردی
قوشلار آلچالیردی
اوچان اینسانلارین قارشیسیندا
ساواشیردی‌لار دووارلار
و بوتون ساواشچیلار اوچوردولار دونیانین باشینا
قبیر داشلاریندان اوچورتما اوچوران بارماقلار گؤیه‌ریردی
و تیتره‌ییردی گونش
تانری سو سپیردی
اوچان دووارلارین تورپاغی اوسته
شهرده تؤشکویوردولر دووارلار
نفسینی دریردی اوچورومدا تانری
اوچ ایکی بیر
اوچ، اوچ، اوچ
بیریسی باغیریردی باشیمین اوستونده
من اوچوردوم شهرده
شهر ایچیمده اوچورومدا دورموشدو
دووارلار آلچالیردی
دونیا باشیما اوچوردو
من دونیانین باشیندا…

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

اوچوش…/ آلما موغانلی

ایشیق
www.ishiq.net

آذربایجان ادبیات و اینجه‌صنعت سایتی

اوچوش…/ آلما موغانلی

ایشیق
www.ishiq.net

آذربایجان ادبیات و اینجه‌صنعت سایتی

اوچوش…/ آلما موغانلی

ایشیق
www.ishiq.net

آذربایجان ادبیات و اینجه‌صنعت سایتی