قیسا شعرلر
محمد نوری

۱
آینالاردا سو وار
ماویمجیل قوجاغیندان اوتاغی سو آلیر
اوتاق اوزور ساچلاریندا
و تنین آدالارین باشلانقیجی‌دیر.

۲
و بیز تانیردیق
تنینده سئحیرلی نوت‌لار کیمی‌دیر موتلولوق
چیلپاق سینیرلارین چاپارکن
ناللارین سسیندن
تورپاق دادین آلیردیق…

۳
عوصیان ائده‌جک نه‌ییم وار؟!
بیر پنجره آیاق ایزلرینی
شهرین سطیرلرینه چئویرن
اوتاق
من
و یالقیزلیغیم!!!

۴
آغ کاغیذلاردا اوچان توراغایی‌لار
نرده‌لرین دالیندا اوچان قیزدیر؛
مافییالی سطیرلردن دیکه‌لن ائولرین بالکونونا چیخیب
اینتیحار ائده‌جک بارماقلاریمدا…

۵
ساچلارین کوله‌یی کؤچورور
کاغیذلارا
بوتون سؤزجوکلری قوپاریب
هاوالانمیش لچگینین دیوانینا چئویریر…