سنی هانسی ….
حسین مصری
سنی هانسی مؤعجوزه منه قایتاراجاق؟
عیسانین باخیشلارینا،
یوخسا
موسانین چلی‌یینه یالواریم من؟
سنی هانسی قیبله‌یه
سنی هانسی یؤنه
گؤزلریمده دولوب،
اوره‌ییمده
سجده –سجده آغلاییم من ؟
سنی هانسی ببر تانیمادیغیم دوراقدا
و هانسی بیر
هئچ گلمه‌ین قاطاردان
بولوتلاری چکیب گؤزلریمه
سوراغلاییم من؟
سن گلمه‌دین
سن گلمه‌دین
و بلکه ده….
یالنیز من
یوخولاردا
آرزیلاریمی تومارلاییب،
بؤیو دوب
بؤیودوب
اؤزومه بؤیوک درد ائده‌جه‌یم؛
و هر سحر ائرکن
بیر قارا کاغیذ
قاپیلاری دؤیه‌جک غفیلدن.
