چئویرن: مجتبی نهانی
ترجمه: مجتبی نهانی
مجتبی نهانی

(۱) فریبا مرتضایی
موغایات اول مندن سئوگیلیم
من بیر ساچ تئلینه باغلانمیشام
الیمی گزدیردیییم زامان-
او بوللوق قارانلیقلارا
آرپایا مایل!
باشینا دولانیم
کیم ایدی دئدی؛
جاوانلیق،
یاواش-یاواش گئدیر
باخ؛
قولتوق آلتیمدا
صوبحه قده ر
اکدییین بوغدالیغا

(۲) عباس صفاری
اؤیرنمیشم یالقیزلیغیمی
اوستالیقلا بیر قزئت دالیسندا
گیزلدم،
آما چییینلرینین قوخوسون وئرن-
آی ایشیغیندان
هئچ بیر شئی‌یی گیزلتمک اولماز.

(۳) منیره پرورش
یوللاردان بیر سیراسی قاییتماق اوچون گئدیرلر
بیر سیراسی دا گئتمک اوچون گئدیرلر
دونیانین یول آیریجیندان قایید
یئرین بوتون سولارین
تؤکموشم
آردینجا.

 (۴) سولماز حسن زاده
پاییزی سوپوردوم-
قاپی دالیسینا قویدوم
بو گئجه
بیر سوپورگه چی، آیاغینین سسین
همیشه لیک آپاریر.

 (۵) علی صالحی بافقی
ائله بو گون آیدین دئمه‌یین یئتر
چتینلیک‌له
هر گئجه اونوتدوغوم
هر نه وارسا
هر صاباح
قولای‌جا یادا گتیرم
ائله بو گئجن خئیر دئمه‌یین یئتر
هر گون
چتینلیک‌له
یادیمدا قالان
هر نه یی
هر گئجه
قولای‌جا اونودام
ائله بو
گون آیدین
گئجن خئیر
دئمه یین…

 (۶) الینا نریمان
یالنیزلیک، باشماغین گئییر
چانتاسین آلیر
ایشه گئدیر
قاییدیر
سیگارینین توستوسون بیر آن ایچینه چکیر
حبّ لرین آتیر
سونرا آرخایین یاتیر
یالنیزلیک، بیر قادین دیر.

 (۷) لیلا مهرپویا
هئچ بیر زامان اوچ نفر بیر-بیرینه یئتیشمزلر
آیریجا
پنکه‌نین پره‌لرینین آیاقی آرادا اولسا-
سؤز گلیشی
هئچ کیم، هئچ کیمه یئتیشمیر
او منه عاشیق‌دیر
من، باشقاسینا
باشقاسی دا اونا

(۸) ساره دستاران
بتر هاوامی ساخلاییر
منیم‌له ائودن چیخیر ائشی‌یه
آیاق-آیاغا دا قاییدیر
بیر آن بئله یالنیز بوراخمیر منی
یالنیزلیک

(۹) رویا زرین
حئیف سیلنیرسن!
آما حئیف سیلنمه
یانما پومادی اولمایان-
سؤزجوکلردن دیر
الدن گئدن زامانی چوخالتمیر
بیر شئی ده آزالتمیر کئچمیشدن
نه بیر شئی چوخالدیر
نه بیر شئی آزالدیر
اونا گؤره چکیسیزلییه دوشوبدور
نه قده‌ر حئیف سیلنیرم
حیئف سیلنمن اوچون
بیرده حئیف سیلنمه
میکروبلاری آرادان آپارمایان-
سؤزجوکلردن دیر.

(۱۰) ناهید عرجونی
دوشونورم تانری قادین‌دیر
ال-آیاغینی ایتیریر-
ائوه گئچ قاییدیغین زامان
سنین کول قابینا گؤز تیکیر
گزیر قوناق اوتاغین ایچینده
بند ائله ییر گولدانلارا
چرچیوه لره
کیتابلارا
اوره یی مین یولا گئدیر!

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

فارس شعریندن ترجمه‌لر (۵)

مجتبی نهانی
www.ishiq.net

آذربایجان ادبیات و اینجه‌صنعت سایتی

فارس شعریندن ترجمه‌لر (۵)

مجتبی نهانی
www.ishiq.net

آذربایجان ادبیات و اینجه‌صنعت سایتی

فارس شعریندن ترجمه‌لر (۵)

مجتبی نهانی
www.ishiq.net

آذربایجان ادبیات و اینجه‌صنعت سایتی